Lucas 8:12 - Chayahuita (Shahui)

¹² Aꞌnaquën piyapiꞌsaꞌ ira pochin nipi. Yosë nanamën natanpirinahuëꞌ. Inairaroꞌsari huëcapairinso pochin aꞌnaroáchin sopai huëꞌnin. Yosë nanamën natanpisoꞌ osërëtiirin. Ama natëcaiso marëhuëꞌ ananiantërin. Natëpi naporini, Yosëri cancanënaꞌ anoyachitonhuëꞌ.

Lucas 8:12 ပူးပေါင်းရင်းမြစ်များ

Proverbios 1:29

Noꞌtëquën yonquicaso nocanama niꞌton, inapotaranquëmaꞌ. Co Sinioronta noya nicatoma natëramaso marëhuëꞌ, napoaramaꞌ.

Mateo 13:19

Tricoraya paꞌsarayarëso pochin Yosë nanamën yaꞌipi parti aꞌchintërëꞌ. ‘Yosë yahuaꞌanëntarinquëmaꞌ,’ topachina, aꞌnaquën piyapiꞌsaꞌ ira pochin nipi. Nanamën natanpirinahuëꞌ, co yonquipihuëꞌ. Inairaroꞌsari huëcapairahuatonaꞌ, pëꞌyaquipiso pochin aꞌnaroáchin sopai huëꞌnin. Huëꞌsahuaton, Yosë nanamën natanpisoꞌ osërëtiirin. Ananiantërin huachi.

Mateo 13:4

Tricoraya iminquë paꞌsarayarin papotacaso marëꞌ. Paꞌsarayahuachina, aꞌnaquën yaꞌpirin iraquë huarëꞌ paꞌsarayarin. Iraquë huarëꞌ anotërin niꞌton, inairaroꞌsari huëcapairahuatonaꞌ, pëꞌyaquipi huachi.

Marcos 4:15

Aꞌnaquën piyapiꞌsaꞌ iraquë huarëꞌ paꞌsarayarinso pochin nipi. Yosë nanamën natanpirinahuëꞌ, aꞌnaroáchin Satanasë huëꞌnin. Yosë nanamën natanpisoꞌ osërëtiirin. Ama natëcaiso marëhuëꞌ ananiantërin.

Lucas 8:11

Ina quëran itaantarin: “Achin naporahuësoꞌ iyaroꞌsaꞌ, aꞌchintantaꞌinquëmaꞌ nitotocoꞌ. Yosë nanamën aꞌchinpatëhuaꞌ, tricoraya paꞌsarayapiso pochin ninëhuaꞌ.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Lucas 8:5

—Aꞌna quëmapi shaꞌtapon paꞌnin. Tricoraya iminquë paꞌsarayarin papotacaso marëꞌ. Paꞌsarayahuachina, aꞌnaquën iraquë huarëꞌ anotërin. Inaquë piyapiꞌsaꞌ iratatonaꞌ, iꞌnatopi. Inairaroꞌsantaꞌ huëꞌsahuatonaꞌ, pëꞌyaquipi.

Apocalipsis 12:9

Inapotatonaꞌ, panca yaꞌhuan pochin nininsoꞌ inápa quëran tëꞌyatopi. Inasoꞌ sopai chachin, Satanasë itopisoꞌ. Yaꞌipi piyapiꞌsaꞌ yanonpintërin. Ina minsërahuatonaꞌ, anquëninënpitarë chachin isoroꞌpaquë tëꞌyatopi.