Lucas 8:1 - Chayahuita (Shahui)

¹ Ina quëran nisha nisha ninanoquë Quisoso paꞌnin aꞌchinapon. Aꞌnaquën pancana, aꞌnaquën co pancanayahuëꞌ niponahuëꞌ, inaquëntaꞌ paaton, noya nanan aꞌchinarin. “Yosë yahuaꞌanëntërinquëmaꞌ,” itëraꞌpiarin. Shonca catoꞌ caꞌtanoꞌsanënpitari imasapi.

Lucas 8:1 ပူးပေါင်းရင်းမြစ်များ

Mateo 11:1

Nani caꞌtanoꞌsanënpita shaꞌhuitahuaton, aꞌchinacaso marëꞌ paꞌnin huachi. Nisha nisha ninanoquë paꞌsahuaton, aꞌchinaꞌpiarin. Pënënaꞌpiarin.

Mateo 13:19

Tricoraya paꞌsarayarëso pochin Yosë nanamën yaꞌipi parti aꞌchintërëꞌ. ‘Yosë yahuaꞌanëntarinquëmaꞌ,’ topachina, aꞌnaquën piyapiꞌsaꞌ ira pochin nipi. Nanamën natanpirinahuëꞌ, co yonquipihuëꞌ. Inairaroꞌsari huëcapairahuatonaꞌ, pëꞌyaquipiso pochin aꞌnaroáchin sopai huëꞌnin. Huëꞌsahuaton, Yosë nanamën natanpisoꞌ osërëtiirin. Ananiantërin huachi.

Mateo 4:23

Yaꞌipi Cariria parti paaton, niyontonpiso pëiroꞌsaquë pënënaꞌpiarin. Noya nanan aꞌchinaton: “Yosë yahuaꞌanëntërinquëmaꞌ,” itëraꞌpiarin. Naporahuaton, naꞌa caniaꞌpiroꞌsaꞌ aꞌnaroáchin anoyatërin. Nisha nisha caniori maninsopita anoyatëraꞌpiarin.

Mateo 9:35

Ina quëran Quisoso paꞌsápaton, nisha nisha ninanoroꞌsaquë aꞌchintëraꞌpiarin. Niyontonpiso pëiroꞌsaquë noya nanan shaꞌhuitëraꞌpiarin. —Yosë yahuaꞌanëntërinquëmaꞌ, itëraꞌpiarin. Insëquësona paꞌpachina, yaꞌipi caniaꞌpiroꞌsaꞌ anoyatëraꞌpiarin. Nisha nisha canio inquitërin.

Marcos 1:39

Ina quëran yaꞌipi Cariria parti paꞌsahuaton, niyontonpiso pëiroꞌsaquë pënëntëraꞌpiarin. Naporahuaton, sopairoꞌsari yaꞌcoancantërinsopita inquitëraꞌpiarin.

Lucas 1:80

Ina quëran huiꞌninsoꞌ soꞌsorahuaton, huiꞌnapitarin huachi. Yosë yonquiarin niꞌton, chiníquën cancantarin. Inotëro parti yaꞌhuëárin. Ina quëran oshaquëran Yosëri shaꞌhuitërin israiroꞌsaꞌ pënënacaso marëꞌ.

Lucas 20:1

Ina quëran Yosë chinotopiso pëiquë paantarahuaton, piyapiꞌsaꞌ aꞌchintantarin. Noya nanan pënëntaquëyaꞌ, cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita huëꞌpi.

Lucas 4:18

“Sinioro ispiritonën yaꞌcoancantërinco niꞌton, noya catahuarinco. Naꞌa piyapiꞌsaꞌ co Yosë nohuitatonahuëꞌ, nosorotopi. Napoaton Yosë acorinco noya nanan aꞌchintaꞌhuaso marëꞌ. Sopairi minsëpirinhuëꞌ, ocoiarahuë noya yonquicaiso marëꞌ. Somaraya nininsopita anoyatarahuë. Parisitapisopita nichaꞌësarahuë.

Lucas 9:6

Ina quëran caꞌtanoꞌsanënpitari paꞌsahuatonaꞌ, noya nanan aꞌchinaꞌpiapi. Nisha nisha ninanoquë pënënaꞌpiapi. Naꞌa caniaꞌpiroꞌsaꞌ anoyatopi.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 13:32

Quiyantaꞌ, iyaroꞌsaꞌ, noya nanan shaꞌhuitarainquëmaꞌ. Iráca Yosëri shimashonënpoapita nontaton, shaꞌhuitërin.

Romanos 10:15

Co Yosëri aꞌchinaꞌpiroꞌsaꞌ aꞌpahuachinhuëꞌ, ¿onpo nitotaponataꞌ? Yosë quiricanën quëran naporin: “Ma noyacha niꞌton, noya nanan shaꞌhuitaonpoaꞌ huëꞌsarin paya,” tënin.