Lucas 7:46 - Chayahuita (Shahui)

⁴⁶ Niꞌtoroꞌsaꞌ huëꞌpachina, noya huaꞌsaiquë pashimototacasoꞌ yaꞌhuëpirinhuëꞌ, quëmasoꞌ co pashimototërancohuëꞌ. Iso sanapiso nipirinhuëꞌ nóya nicatonco, pimo huaꞌsaiquë pashirantëtërinco.

Lucas 7:46 ပူးပေါင်းရင်းမြစ်များ

2 Samuel 12:20

Ina natanahuaton, huanirin. Amarahuaton nitaparin. Pimóton nininsoꞌ pashirin. Naporin. Inapo nitaparahuaton, Yosë caposonën acocaso marëꞌ nëꞌmëtë pëi nipiquë yaꞌconin. Inaquë Yosë chinotahuaton, pëinënquë paantarin. Capacaso natantohuachina, acotiipi caꞌnin.

Salmos 104:15

Oꞌotona noya ancantacaiso marëꞌ huinonta yaꞌhuëtopi. Yaꞌpirina tapacaiso marëꞌ tomanta yaꞌhuëtopi. Capatona chinicaiso marëꞌ paonta yaꞌhuëtopi.

Salmos 23:5

Inimicoroꞌsa noꞌhuipirinacohuëꞌ, quëmasoꞌ noya nicatonco, noya cosharo acotëranco. Pimo huaꞌsaiquë pashimototëranco. Minëquë taꞌpanápatëra chaꞌhuërinso pochin yaꞌsoaquë huarëꞌ catahuaranco.

Eclesiastés 9:8

Huiritonáchin aꞌmoquëꞌ. Noya huaꞌsaiquë nipashimototáquëꞌ.

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Mateo 6:17

Canpitaso nipirinhuëꞌ Yosë nontacaso marëꞌ co coshatohuatamahuëꞌ, ama piyapiꞌsaꞌ shaꞌhuitocosohuëꞌ. Noya ihuiantahuatomaꞌ, nitapacoꞌ.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Rota naporinso' 3:3

Napoaton quëmasoꞌ amarahuaton pimo huaꞌsaiquë nipashitëquëꞌ. Inaporahuaton noya noya aꞌmoransoꞌ, aꞌmoquëꞌ. Ina quëran toꞌnoratopiquë paquëꞌ. Inaso napoaponahuëꞌ, ama insonta quënanainquënso marëhuëꞌ noyá naꞌpiquëꞌ. Pooso coshataton oꞌoquë huarëꞌ naꞌpiton ninataquëꞌ.