Lucas 7:42 - Chayahuita (Shahui)

⁴² Capa coriqui pahuërëtacasoꞌ niꞌton, cato chachin nihuitopisoꞌ ayatërin. Topinan ayatërin. ¿Insoaritaꞌ patronën naꞌcon naꞌcon nosoroarin? ¿Maꞌtaꞌ quëma yonquiran? itërin Quisosori.

Lucas 7:42 ပူးပေါင်းရင်းမြစ်များ

Salmos 103:3

Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 44:22

Tëhuëtatomaco oshahuanamasopita inquitëranquëmaꞌ. Chitoro inquirinso pochin inapita ayatërahuë. Carima nichaꞌëranquëma niꞌton, ca chachin tahuërëtaantaco,” tënin.

Mateo 18:27

Napotohuachina, huaꞌani nosororin. Nosoroaton, yaꞌipi nihuirinsoꞌ ayataton noya aꞌparin huachi.

Mateo 18:34

Ina quëran chiníquën noꞌhuiton, sontaroꞌsaꞌ amatahuaton, tashinan pëiquë apoꞌmotërin antaꞌ. ‘Pahuërëinco huarëꞌ chiníquën aparisitëquëꞌ,’ itërin,” tënin.

Mateo 6:12

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi, anoyacancantocoi.

Lucas 7:43

—Naꞌcon naꞌcon ayatërinsoari naꞌcon naꞌcon nosoroarin, topirahuëꞌ, tënin. —Ina mini. Noꞌtëquën yonquiran, tënin.

Romanos 3:24

Nipirinhuëꞌ, inaora nohuanton, Yosë nosororinpoaꞌ. Nosoroatonpoaꞌ, Quisocristo aꞌpaimarin nichaꞌëinpoaso marëꞌ. Ina imapatëhuaꞌ, Yosë noya niꞌsarinpoaꞌ.

Romanos 5:6

Canpoara co nanitërëhuahuëꞌ chaꞌëcasoꞌ. Nipirinhuëꞌ, iráca oꞌmacasoꞌ nanihuachina, Quisocristo isoroꞌpaquë oꞌmarin. Oꞌmarahuaton, oshahuanoꞌsa marëꞌ chiminin.

Gálatas 3:10

Moisësë iráca pënëntërinsoꞌ yaimapatamaꞌ, anaꞌintinquëmasoꞌ yaꞌhuërin. Co yaꞌipi natëramahuëꞌ niꞌton, Yosë anaꞌintarinquëmaꞌ. Iráca quiricanën quëran naporin: “Co yaꞌipimiáchin natëhuatamacohuëꞌ, chiníquën anaꞌintaranquëmaꞌ. Parisitopiquë aꞌparanquëmaꞌ,” tënin.

Efesios 1:7

Quisocristo corosëquë chiminaton, nichaꞌërinpoaꞌ. Huënainën paꞌnin niꞌton, oshanënpoaꞌ inquitërinpoaꞌ. Inaora nohuanton, Yosë naꞌcon nosororinpoaꞌ.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.