Lucas 7:40 - Chayahuita (Shahui)

⁴⁰ Yonquirinsoꞌ nitotaton, Quisosori itërin: —Iya Simon, piꞌpian yashaꞌhuitëranquën, itërin. —Inta Maistro shaꞌhuitoco, itërin inarinta.

Lucas 7:40 ပူးပေါင်းရင်းမြစ်များ

Ezequiel 33:31

Ninapotatonaꞌ, huëcapairahuatënën quëma notënanquë huënsëipi. Yáinapopi niꞌton, napopi. Shaꞌhuitëransopita natanpirinahuëꞌ, co nohuantopihuëꞌ natëcaisoꞌ. Huaino cantahuachinara, yonquinëna quëran nitotopi. Inapochachin inahuanta nonansopita yonquinëna quëran nitotopitërapi. Cancanëna quëranso napoaponahuëꞌ, coriquisáchin cancantopi.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Mateo 26:49

Ina quëran yaꞌyoranquirahuaton: —Tashita Maistro, itiirahuaton, apinorin.

Mateo 7:22

Ayaroꞌ tahuëri nanihuachin, naꞌa piyapiꞌsaꞌ nontaponaco: ‘Quëma nanamën Sinioro shaꞌhuirai. Quisoso nanan quëtërincoi, taꞌtoi sopairoꞌsaꞌ aꞌparai. Quëma pochin sacaiꞌ nininsopita ninai,’ itaponaco.

Lucas 18:18

Ina quëran aꞌna huaꞌani Quisoso huëcapairin. —Quëmasoꞌ Maistro noyanquën, tënahuë. ¿Maꞌtaꞌ casoꞌ nii nanpimiataꞌhuaso marëꞌ? Shaꞌhuitoco cantaꞌ noya nii, itiirin.

Lucas 5:22

Topinan yonquiarapirinahuëꞌ, inaora yonquinën quëran Quisoso nitotërin. —¿Onpoatomataꞌ co noyahuëꞌ yonquirapiramaco?

Lucas 5:31

Natanahuaton, Quisosori itërin: —Isopitasoꞌ tëhuënchachin nohuantërinaco imainacosoꞌ. Niꞌcoꞌ. Caniaꞌpiroꞌsaꞌ notoro nohuantopi. “Co caniorahuëꞌ,” topatëra, co notoro nohuantërëhuëꞌ.

Lucas 6:8

Topinan yonquiarapirinahuëꞌ, Quisosori ninorin. Napoaton apia itërin: —Huëꞌsahuaton huancánachin huaniquëꞌ, itërin. Napotohuachina, huanirahuaton, inaquë paꞌnin.

Lucas 7:39

Ina niꞌsahuaton, pëiꞌ huaꞌanëni co noyahuëꞌ niꞌnin. Inaora yonquinën quëran yonquirarin. “Quisoso pënëntonaꞌpi naporini, iso sanapi nohuichitonhuëꞌ. Oshahuan niꞌton, co sëꞌhuacasoꞌ nohuanchitonhuëꞌ,” tënin yonquiaton.

Lucas 7:41

—Catoꞌ quëmapi yaꞌhuëpirinhuëꞌ. Cato chachin patron nihuipi. Aꞌnasoꞌ aꞌnatërápo pasa tahuëri canarësoꞌ nihuitërin. Aꞌnantaꞌ aꞌnatërápo shonca tahuëri canarësoíchin nihuitërin.

Juan 13:13

Canpitasoꞌ nontohuatamacora, “Maistro” itëramaco. “Sinioro” itëramaco antaꞌ. Noꞌtëquën yonquiatomaꞌ, napotëramaco. Canpita maistronëmaco mini. Sinioroco niꞌto, natëramaco.

Juan 16:19

Yanatanpiraihuëꞌ, co natanaihuëꞌ. Quisososo nipirinhuëꞌ nitotërin. Napoaton itërincoi: “¿Maꞌtaꞌ tapon naporin?” taꞌtomaꞌ, yanatanpiramacohuëꞌ, co natanamacohuëꞌ. Tëhuënchachin piꞌpian pahuanarin pacaꞌhuasoꞌ. Paꞌpato co quënanaramacohuëꞌ. Ina quëran co huaꞌquiya quëranhuëꞌ quënaantaramaco.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.