Lucas 7:33 - Chayahuita (Shahui)

³³ Inapochachin ipora nisha nisha yonquiramaꞌ. Coansha Paotistasoꞌ huëcapon, co aquëtëꞌ cosharoꞌ yonquirinhuëꞌ. Co piꞌpian tërantaꞌ huino oꞌorinhuëꞌ. Napopirinhuëꞌ, ‘Sopai nohuanton, naporin,’ toconamaꞌ.

Lucas 7:33 ပူးပေါင်းရင်းမြစ်များ

Mateo 10:25

Napoaton noꞌhuihuachinënquëmaꞌ, co ina marëꞌ sëtacasoꞌ yaꞌhuërinhuëꞌ. Nani noꞌhuirinaco cantaꞌ. ‘Sopainquën,’ itërinaco niꞌton, canpitanta ina pochachin nontarinënquëmaꞌ,” itërin Quisosori.

Mateo 3:1

Naporoꞌ tahuëriꞌsaꞌ Coansha Paotista pënëntarin. Cotia parti pancana inotëroꞌ yaꞌhuërin. Co inaquë piyapiꞌsaꞌ yaꞌhuëpihuëꞌ. Inaquë yaꞌhuaton, Yosë nanamën shaꞌhuirarin. Naꞌa piyapiꞌsaꞌ huëꞌpi natanaponaꞌ:

Mateo 3:4

Coanshasoꞌ co noyápiachin aꞌmorinhuëꞌ. Ponira pochin aꞌmorin, camiyo anporo quëran nipisoꞌ. Shaꞌhuëtë quëran nitonporin. Sëquërë pochin nininsoꞌ macaton, caꞌnin. Ninoiꞌ quënanpachina, irorin.

Marcos 1:6

Co inasoꞌ noyápiachin aꞌmorinhuëꞌ. Ponira pochin camiyo anporo quëran nipisoꞌ aꞌmorin. Shaꞌhuëtë quëran nitonporin. Sëquërë pochin nininsoꞌ macaton, inaya tërantaꞌ caꞌnin. Ninoiꞌ quënanpachina, irorin. Piyapiꞌsaꞌ pënënpachina, itapon:

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Lucas 7:32

Huaꞌhuaroꞌsa pochin cancantopi, tënahuë. Huaꞌhuaroꞌsaꞌ cachiquë yaꞌnipihuachinaraꞌ, aꞌnaquën taponaꞌ: ‘Huëcoꞌ pita pochin nicatëhuaꞌ yaꞌnipiahuaꞌ,’ taꞌtonaꞌ, quinatopirinahuëꞌ, co aꞌnapitasoꞌ nohuantopihuëꞌ nansacaisoꞌ. Ina quëran tantaponaꞌ: ‘Inta nipachin, huëcoꞌ, chimipi paꞌpitopiso pochin nicatëhuaꞌ yaꞌnipiahuaꞌ,’ nitantapi. Aꞌnaquën sëtatonaꞌ naꞌnërápirinahuëꞌ, co aꞌnapitasoꞌ nohuantopihuëꞌ naꞌnëcaisoꞌ.

Lucas 7:34

Ina quëran casoꞌ Yosë quëran quëmapico niꞌto, coshatërahuë, oꞌorahuë. Ina marëꞌ pinoramaco. ‘Quisoso coshatárin. Oꞌopatárin. Oshahuanoꞌsarëꞌ nipayarin,’ toconamaꞌ. Nisha nisha yonquiconamaꞌ.

Juan 10:20

—Sopairi nani yaꞌcoancantërin niꞌton, huaꞌyantërin. ¿Maꞌmarëta natanamaꞌ? topi aꞌnaquën.

Juan 8:48

Ina natanahuatonaꞌ huaꞌanoꞌsari itantapi: —¿Coꞌta quëmasoꞌ Samaria piyapinquën? tënai. “Sopai yaꞌcoancantërinquën niꞌton, huaꞌyantëran,” topatëira, noꞌtëquën napotërainquën, itopi.

Juan 8:52

—Sopai mini nani yaꞌcoancantërinquën. Co huachi yonquiranhuëꞌ. Apraan nani chiminin. Pënëntonaꞌpiroꞌsantaꞌ chiminpi antaꞌ. Quëmaso nipirinhuëꞌ: “Natëhuatamaco, co chiminaramahuëꞌ,” itërancoi.

Hechos 2:13

Aꞌnaquënso nipirinhuëꞌ tëhuarahuatonaꞌ: —Noꞌpitonaꞌ, napoapi, toconpi.