Lucas 7:30 - Chayahuita (Shahui)

³⁰ Parisioroꞌsaso nipirinhuëꞌ, co nohuantopihuëꞌ Yosë nanamën natëcaisoꞌ. Coansha noꞌtëquën pënëntopirinhuëꞌ, topinan quëran natanpi. Napoaton co aporihuanpihuëꞌ. Cotio maistroꞌsarintaꞌ co yanatëpihuëꞌ.

Lucas 7:30 ပူးပေါင်းရင်းမြစ်များ

Proverbios 1:25

Napoatomaꞌ, pënënanquëmasopita nocanamaꞌ. Aꞌchintëranquëmasopitantaꞌ, co yaimaramahuëꞌ.

Mateo 22:35

Aꞌna maistro iráca nanan noya nitotërinsoꞌ huëꞌsahuaton, Quisoso nontiirin atëhuëcaso marëꞌ.

Lucas 13:34

Ina quëran itantarin: “¡Yaꞌipi Quirosarinquë yaꞌhuëramasopita yonquiatënquëmaꞌ, chiníquën sëtërahuë! Naꞌa pënëntonaꞌpiroꞌsaꞌ Yosë aꞌpatërinquëmaꞌ pënëinënquëmaso marëꞌ. Aꞌpapirinhuëꞌ, tëparamaꞌ. Aꞌnaquën naꞌpiquë tëꞌyaratomaꞌ, tëparamaꞌ. Yaꞌipinquëmaꞌ nosoroatënquëmaꞌ, naꞌaroꞌ yacatahuapiranquëmahuëꞌ, co ca tërantaꞌ nohuantëramacohuëꞌ. Atari huaꞌhuin toꞌcohuëtërinso pochin yapaꞌpoyapiranquëmahuëꞌ, co nohuantëramacohuëꞌ.

Lucas 20:6

Nipirinhuëꞌ: ‘Co Yosëri nanan quëtërinhuëꞌ. Piyapiri quëtërin,’ itohuatëhuaꞌ, naꞌa piyapiꞌsaꞌ chiníquën noꞌhuiarinënpoaꞌ. Naꞌpiquë tëꞌyaratënënpoaꞌ, tëpamarinënpoaꞌ. ‘Yosëri aꞌparin pënëinpoaso marëꞌ,’ topi yaꞌipiya,” nitopi.

Lucas 7:31

Naquëranchin Quisoso taantarin: “Iporasoꞌ piyapiꞌsaꞌ nisha nisha yonquipi. ¿Ma pochintaꞌ niconpi?

Romanos 10:21

Israiroꞌsaso nipirinhuëꞌ co yanatëpihuëꞌ. Inapita yonquiaton, Isaiasë quëran taantarin: “Iráca quëran huarëꞌ yacatahuarahuë. Imirahuë ihuëtatë pochin nitato: ‘Huëcoꞌ catahuainquëmaꞌ,’ itopirahuëꞌ, co yanatërinacohuëꞌ. Co natantochináchinhuëꞌ cancantopi, tënin Yosë,” itërin.

2 Corintios 6:1

Yosë acorincoi nanamën aꞌchinaꞌhuaiso marëꞌ. Acoatoncoi, catahuarincoi aꞌchintaꞌhuainquëmaso marëꞌ. “Yosë nosoroatonpoaꞌ, yanichaꞌërinpoaꞌ,” itërainquëmaꞌ. Ama topinan quëran natancosohuëꞌ. Imaco huachi.

Gálatas 2:21

Inaora nohuanton, Yosë nosoroatonpoaꞌ, huiꞌnin aꞌpaimarin chiminacaso marëꞌ. Co ina naniantërahuëꞌ. Inasáchin imarahuë niꞌton, Yosë noya niꞌsarinco huachi. Iráca pënëntërinsoꞌ natërëhuaso marëꞌ noya niꞌninpoaꞌ naporini, topinan quëran Quisocristo chimiintonhuëꞌ,” itërahuë.

Efesios 1:11

Inaora nohuanton, acorinpoaꞌ piyapinënpita nicacaso marëꞌ. Quisocristo imapatëhuaꞌ, huiꞌnin pochin niꞌsarinpoaꞌ. Napoaton aꞌna tahuëri Yosëꞌpaꞌ noya noya acoarinpoaꞌ. Iráca chachin yonquirinpoaꞌ niꞌton, huëntonënquë ayaꞌconinpoaꞌ.