Lucas 7:28 - Chayahuita (Shahui)

²⁸ Iráca quëran huarëꞌ naꞌa piyapiꞌsaꞌ pënëntopirinahuëꞌ, Coanshasoꞌ noya noya pënëntërin. Inaso noya pënëntopirinhuëꞌ, inso tërantaꞌ imapachinaco, ina quëran noya noya nisarin. Yosë huaꞌanëntërinquë chachin yaꞌconarin, tënahuë,” itërin.

Lucas 7:28 ပူးပေါင်းရင်းမြစ်များ

Mateo 11:11

“Iráca quëran huarëꞌ naꞌa piyapiꞌsaꞌ pënëntopirinahuëꞌ, Coansha Paotistasoꞌ noya noya pënëntërin. Pënëntërinsoꞌ noya, nipirinhuëꞌ, inso tërantaꞌ imapachinaco, noya noya nisarin. Yosë huaꞌanëntërinquë chachin yaꞌconarin huachi, tënahuë.

Mateo 3:1

Naporoꞌ tahuëriꞌsaꞌ Coansha Paotista pënëntarin. Cotia parti pancana inotëroꞌ yaꞌhuërin. Co inaquë piyapiꞌsaꞌ yaꞌhuëpihuëꞌ. Inaquë yaꞌhuaton, Yosë nanamën shaꞌhuirarin. Naꞌa piyapiꞌsaꞌ huëꞌpi natanaponaꞌ:

Lucas 3:16

Ina natanahuaton, Coanshari itërin: —Aporintëranquëma mini nipirinhuëꞌ, co casoꞌ Cristocohuëꞌ. Ca piquëran inasoꞌ huëꞌsarin. Inaso chini chiníquën nanantërin. Casoꞌ co piꞌpisha tërantaꞌ ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ, pënquë chiníquën anaꞌintarinquëmaꞌ.

Lucas 7:27

Iráca quiricanënquë ninorin: ‘Coꞌhuara aꞌpamayátërasënquënhuëꞌ, comisionëhuë aꞌpararahuë. Paaton, pënëntapon noya natanainënquënso marëꞌ,’ itërin Yosëri huiꞌnin nontaton. Coansha ninoton, naporin.

Lucas 7:29

Nani naꞌa piyapiꞌsari Coansha noya natanpi. Copirno marëꞌ coriqui maꞌpatonaꞌpiroꞌsantaꞌ “Yosë noninsoꞌ noꞌtëquën pënëninpoaꞌ,” taꞌtonaꞌ, aporihuanpi.

Lucas 9:48

—Ama chiníquën nanantacamasoꞌ yonquicosohuëꞌ. Imaramaco niꞌton, huaꞌhuasha nosorohuatamaꞌ, nosoroaramaco cantaꞌ. Nosorohuatamaco, co casáchin nosoroaramacohuëꞌ. Yosëntaꞌ nosoroaramaꞌ. Inasoꞌ isoroꞌpaquë aꞌpaimarinco. Huaꞌhuaroꞌsa pochin cancantopisopita Yosëri noya noya niꞌnin, itërin Quisosori.