Lucas 7:27 - Chayahuita (Shahui)

²⁷ Iráca quiricanënquë ninorin: ‘Coꞌhuara aꞌpamayátërasënquënhuëꞌ, comisionëhuë aꞌpararahuë. Paaton, pënëntapon noya natanainënquënso marëꞌ,’ itërin Yosëri huiꞌnin nontaton. Coansha ninoton, naporin.

Lucas 7:27 ပူးပေါင်းရင်းမြစ်များ

Isaías 40:3

Natanco, aꞌna quëmapi chiníquën shaꞌhuirarin: “Sinioro yaoꞌmarin niꞌton, ira tapacoꞌ. Inotëroquë ira yaꞌhuërinso ótëcoꞌ. Panënoꞌsa papatahuatomaꞌ, iconantërinsopita mëntarotocoꞌ. Naꞌpiroꞌsanta chiꞌhuincacoꞌ. Inapochachin canpitantaꞌ, cancanëma anoyatocoꞌ.

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Mateo 11:10

Iráca quiricanënquë ninoton Yosëri huiꞌnin shaꞌhuitërin. “Coꞌhuara paꞌshamátërasënquënhuëꞌ, comisionëhuëꞌton aꞌpararahuë piyapiꞌsaꞌ ayonquicaso marëꞌ,” itërin. Coansha ninoton, naporin.

Marcos 1:2

Isaiasë pënëntonaꞌpi ninoton Yosë quiricanënquë ninshitërinso chachin oꞌmarin. Inaquë Yosëri huiꞌnin itapon: “Coꞌhuara paꞌshamátërasënquënhuëꞌ, comisionëhuëꞌton aꞌpararahuë piyapiꞌsaꞌ ayonquicaso marëꞌ.

Lucas 1:76

Quëmantaꞌ, conpa, Yosë aꞌpaarinquën piyapinënpita pënënacaso marëꞌ. Sinioro isoroꞌpaquë yaoꞌmarin niꞌton, pënëntaran piyapiꞌsari natëcaiso marëꞌ.

Lucas 7:26

Pënëntërinsoꞌ natanacaso marëꞌ paꞌnamaꞌ. Coansha tëhuënchachin nóya pënëntërin. Co topinan quëran pënëntërinhuëꞌ. Yosëri chachin aꞌparin pënëntacaso marëꞌ.

Lucas 7:28

Iráca quëran huarëꞌ naꞌa piyapiꞌsaꞌ pënëntopirinahuëꞌ, Coanshasoꞌ noya noya pënëntërin. Inaso noya pënëntopirinhuëꞌ, inso tërantaꞌ imapachinaco, ina quëran noya noya nisarin. Yosë huaꞌanëntërinquë chachin yaꞌconarin, tënahuë,” itërin.

Juan 1:23

—Yosë nohuanton, pënëntarahuë. Iráca Isaiasë ninotonco, naporin: “Aꞌna quëmapi inotëroquë pënëntaton, tapon: ‘Ira coꞌshon coꞌshon toconin niꞌton, otëëquëꞌ Sinioro oꞌmain,’ tënin. Naporinso chachin cantaꞌ piyapiꞌsaꞌ pënënarahuë. ‘Cancanëmaꞌ anoyatocoꞌ Sinioro oꞌmain,’ itarahuë,” itërin Coanshari.