Lucas 7:21 - Chayahuita (Shahui)

²¹ Naporo chachin naꞌa caniaꞌpiroꞌsaꞌ yaꞌhuapi, nisha nisha caniori maninsopita. Quisosori aꞌnaroáchin anoyatërin. Sopairoꞌsari ahuaꞌyantërinsopitantaꞌ huëꞌpachinara, sopairoꞌsaꞌ aꞌpatërin. Naporahuaton, ina nohuanton, somaraya nininsopitantaꞌ niꞌtopi.

Lucas 7:21 ပူးပေါင်းရင်းမြစ်များ

1 Reyes 8:37

Piyapinënpita co natëtënënhuëꞌ oshahuaantahuachinaꞌ, quëmari anaꞌintaran. Quëma nohuanton shaꞌtopisopita co manta nitaponahuëꞌ. Piꞌi quëranhuë nipon, taquiapon. Sëquërërihuë nipon, chaꞌchorihuë nipon, pëꞌyapon. Pëtoratërin quëranhuë nipon, chanatapon. Aꞌna tahuëriso inimiconënpitarihuë nipon, ninanonëna tancapitahuatona ahuëaponaꞌ. Chiníquën caniohuë nipon yaꞌconaton, tiquiapon. Inapoatona parisitaponaꞌ.

Mateo 4:23

Yaꞌipi Cariria parti paaton, niyontonpiso pëiroꞌsaquë pënënaꞌpiarin. Noya nanan aꞌchinaton: “Yosë yahuaꞌanëntërinquëmaꞌ,” itëraꞌpiarin. Naporahuaton, naꞌa caniaꞌpiroꞌsaꞌ aꞌnaroáchin anoyatërin. Nisha nisha caniori maninsopita anoyatëraꞌpiarin.

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Marcos 5:29

Naporoꞌ aꞌnaroáchin huënaiꞌ noꞌnarin. Canio quëran nani noyatërin ninatanin.

Marcos 5:34

—Natëranco niꞌton, nani imoya, anoyatëranquën. Nani noyatëran niꞌton, noya paquë huachi, itërin.

Lucas 7:20

Paatona quënanconpachinara, itaponaꞌ: —Coansha Paotista aꞌpairincoi natanaꞌhuainquënso marëꞌ. ¿Quëmasoꞌ Cristonquën? ¿Pahuanarin inasoꞌ oꞌmacasoꞌ nica? Co nitotëraihuëꞌ. Shaꞌhuitocoi quiyantaꞌ nitochii, itiipi.

Hebreos 12:6

Nosororinpoaꞌ niꞌton, aꞌna tahuëri ina nohuanton, maꞌsha onporëhuaꞌ. Huiꞌninpita pochin nicatonpoaꞌ, anaꞌintërinpoaꞌ noya noya yonquicaso marëꞌ,” tënin.