Lucas 7:16 - Chayahuita (Shahui)

¹⁶ Ina nicatonaꞌ, yaꞌipi piyapiꞌsaꞌ paꞌyanpi. —¡Ma noyacha Tata Yosëso paya! Ma noya quëmapi aꞌpatimarinpoaꞌ pënëinpoaso marëꞌ. Nani maꞌsha nanitaparin, topi. Ina quëran taantapi: —Yosë co naniantërinpoahuëꞌ. Catahuarinpoa huachi, topi.

Lucas 7:16 ပူးပေါင်းရင်းမြစ်များ

Salmos 65:9

Quëma nohuanton oꞌnani, noꞌpaꞌ ohuërëpisoꞌ acaniororin. Inapotërinquë shaꞌtohuachinara, notohuaroꞌ nitërin huachi. Nishitëmototopisonta catahuaran niꞌton, noyataantarin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Mateo 15:31

Piyapiꞌsari niꞌsahuatonaꞌ, paꞌyatopi. “Niꞌcoꞌ. Nëꞌhuëyaroꞌsaꞌ nonsapi. Apiaroꞌsaꞌ nani noyatopi. Sonpacharoꞌsaꞌ noya iratopi. Somarayaroꞌsantaꞌ noya quënantopi. ¡Ma noyacha Yosëso paya! ¡Ma noyacha niꞌton, piyapinënpitanpoa catahuarinpoa paya!” topi.

Mateo 21:11

—Coꞌta Quisoso, Cariria parti yaꞌhuërinsoꞌ. Nasarito quëran huëcaton, naꞌcon pënëntërin, itopi.

Mateo 28:8

Natanahuatonaꞌ, aꞌnaroáchin naꞌpi nanin quëran pipipi. Paꞌpi paꞌyanpirinahuëꞌ. Nóya cancantatonaꞌ taꞌapi caꞌtanoꞌsanënpita shaꞌhuitacaiso marëꞌ.

Mateo 9:8

Piyapiꞌsaꞌ ina nicatonaꞌ, paꞌyanpi. —¡Ma noyacha Yosëri catahuarin paya! Piyapi niponahuëꞌ chiníquën nanan quëtërin paya, topi.

Lucas 1:65

Ina niꞌsahuatonaꞌ, piyapiꞌsaꞌ paꞌyanpi. Yaꞌipi Cotia parti nanan nahuinin.

Lucas 1:68

“¡Ma noyacha Tata Yosësoꞌ huaꞌanëntërinpoa paya! Piyapinënpitanpoaꞌ yonquiatonpoaꞌ, nichaꞌësarinpoaꞌ.

Lucas 19:44

Yaꞌconahuatonaꞌ, pëinëmapita ohuatapi. Co aꞌna naꞌpi tërantaꞌ niyaꞌhuiritarinhuëꞌ. Yaꞌipinquëmaꞌ taꞌhuantaramaꞌ. Nichaꞌëcaꞌhuanquëmaso marëꞌ oꞌmapirahuëꞌ. Co nohuantëramacohuëꞌ niꞌton, Yosë anaꞌintarinquëma huachi,” tënin Quisoso.

Lucas 2:20

Ina quëran pëꞌtahuatonaꞌpiroꞌsaꞌ paantapi. “Maꞌpítacha natanëhua paya. Maꞌpítacha niꞌnëhua paya. Anquëniroꞌsaꞌ itërinpoaso chachin quënanëhuaꞌ. ¡Ma noyacha Tata Yosëso paya!” topi.

Lucas 24:19

—¿Maꞌtaꞌ onpopisoꞌ? itaantarin Quisosori. Napotohuachina: —Coꞌta Quisoso Nasaritoquë yaꞌhuërinsoꞌ tëpapi. Nóya quëmapi nipirinhuëꞌ, tëpapi. Ma noya Yosë nanamën aꞌchintërincoi. Caniaꞌpiroꞌsaꞌ nosoroaton, aꞌnaroáchin anoyatërin. Yosëri nóya niꞌnin. Piyapiꞌsarintaꞌ noya niꞌpirinahuëꞌ.

Lucas 5:26

Ina nicatonaꞌ piyapiꞌsasoꞌ paꞌyanpi. —Ma noyacha Yosëri catahuarin niꞌton, aꞌnaroáchin anoyatërin paya. Maꞌpítacha ipora niꞌnëhua paya, nitopi.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

Lucas 7:15

Napotohuachina, nanpiantarahuaton huënsërin. Ina quëran nonsarin. Quisosori aꞌshin itapon: “Yaꞌhuëranquë imoya quëpaantaquë,” itërin.

Lucas 7:39

Ina niꞌsahuaton, pëiꞌ huaꞌanëni co noyahuëꞌ niꞌnin. Inaora yonquinën quëran yonquirarin. “Quisoso pënëntonaꞌpi naporini, iso sanapi nohuichitonhuëꞌ. Oshahuan niꞌton, co sëꞌhuacasoꞌ nohuanchitonhuëꞌ,” tënin yonquiaton.

Lucas 8:37

Natanahuatonaꞌ, yaꞌhuëhuanoꞌsasoꞌ paꞌpi tëꞌhuatopi. Tëꞌhuatatonaꞌ, Quisoso itopi: “Aꞌna parti paquë,” itopi. Itohuachinara, potiquë yaꞌcoantarin.

Lucas 9:19

—“Coansha Paotistacoꞌ nanpiantarinsoꞌ,” topi aꞌnaquën. “Co inahuëꞌ. Tata Iniasëcoꞌ nanpiantarinsoꞌ,” topi aꞌnaquëontaꞌ. “Co inahuëꞌ. Aꞌna pënëntonaꞌpi iráca chiminpirinhuëꞌ, nanpiantarinsoꞌ nimara,” topi aꞌnapitantaꞌ, itopi.

Juan 1:21

—Quëmasoꞌ Iniasënquën, iráca ayaponahuëꞌ, ¿yaꞌnoantamaranquën ti? itopi. —Co casoꞌ inacohuëꞌ, tënin. —¿Quëmasoꞌ pënëntonaꞌpi ninaraisoꞌ nimara ti? itaantapi. —Co inacohuëꞌ, tënin.

Juan 1:25

—Co quëmasoꞌ Cristonquënhuëꞌ. Co Iniasënquënhuëꞌ. Co pënëntonaꞌpi ninaraisonquënhuëꞌ niꞌquëhuarëꞌ, ¿onpoatontaꞌ nipachin, piyapiꞌsaꞌ aporintaran? ¿Intaꞌ nanan quëtërinquën aporintamasoꞌ? itërin.

Juan 4:19

—Quëmasoꞌ sinioro ninotonaꞌpinquën, tënahuë.

Juan 6:14

Ina nápo piyapiꞌsaꞌ capacaiso marëꞌ cosharoꞌ anaꞌatërinsoꞌ niꞌsahuatonaꞌ, piyapiꞌsaꞌ ninontopi: —Tëhuënchachin iso quëmapi Yosëri aꞌpaimarin. Pënëinpoaso marëꞌ aꞌpaimacaso shaꞌhuirinso chachin, nani oꞌmarin, nitopi.

Juan 9:17

Napoaton quëmapi itantaponaꞌ: —Nani anoyarayatërinquën niꞌquëhuarëꞌ, ¿maꞌtaꞌ quëma yonquiran? itopi. —Yosëri acorin pënëntacaso marëꞌ tënahuë, itërin.

Hechos 5:5

Ananiasë natanahuaton, aꞌnaroáchin noꞌpaquë anotaton, chiminin. Piyapiꞌsari niꞌpachinara, paꞌyanpi. Aꞌnapitantaꞌ natantahuatonaꞌ, paꞌpi tëꞌhuatopi.

Hechos 7:37

Moisësëri chachin inapita itërin: “Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inantaꞌ Israiro quëmapi nisarin,” tënin.

Gálatas 1:24

Ina natantahuatonaꞌ, “¡Ma noyacha Tata Yosësoꞌ niꞌton, Paonontaꞌ imarin paya!” topi.

Deuteronomio 18:15

Canpitaso nishataramaꞌ. Sinioro chachin aꞌnara Israiro quëmapi acoarin pënëntacaso marëꞌ. Naporahuaton, maꞌsona aꞌna tahuëri onpocasoꞌ shaꞌhuicaso marëꞌ acoarin. Cá pochachin nisarin. Ina huachi canpita shiparimapita natëcaiso yaꞌhuërin.