Lucas 7:13 - Chayahuita (Shahui)

¹³ Ina quënanahuaton, Quisosori nosororin. —Ama imoya naꞌnëquësohuëꞌ, itërin.

Lucas 7:13 ပူးပေါင်းရင်းမြစ်များ

Salmos 103:13

Ina noya nicatëhua natëhuatëhuaꞌ, nosoroarinpoaꞌ. Quëmapi huiꞌnin nosororinso pochin nitarinpoaꞌ.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Marcos 8:2

—Piyapiꞌsaꞌ nosororahuë. Nani cara tahuëri natanarinaco niꞌton, co huachi mantaꞌ cosharoꞌ yaꞌhuëtopihuëꞌ.

Lucas 10:1

Ina quëran aꞌnapitantaꞌ shaꞌhuitërin pënëntacaisoꞌ. Canchisë shonca catoꞌ quëmapiꞌsaꞌ huayonahuaton, catoya catoya aꞌparin. Nisha nisha ninanoquë aꞌparin. Oshaquëran ina ninanoroꞌsaquë chachin paꞌsarin niꞌton, inapitaꞌton aꞌparin pënëntacaiso marëꞌ. Yapaꞌpachinara itapon:

Lucas 11:1

Aꞌna tahuëri Quisoso Yosë nontárin. Nani nontohuachina, caꞌtanoꞌsanëni itërin: —Aꞌchintocoi Sinioro Yosë nontaꞌhuaisoꞌ. Coanshasoꞌ imarinsopita aꞌchintërin. Quiyantaꞌ aꞌchintocoi nitochii, itërin.

Lucas 11:39

Yonquirinsoꞌ Quisosori ninoton, itërin: —Canpitasoꞌ aipi quënanamasoráchin yonquipiramahuëꞌ, Yosësoꞌ acopoꞌ cancanëma quëran yonquiramasopita niꞌnin. Niꞌcoꞌ. Aꞌnaquën minëꞌ, sënan, inapita paꞌmohuachinara, pinënáchin paꞌmopipi. Acoposo nipirinhuëꞌ nëꞌhuënantëtërin. Inapochachin canpitasoꞌ cancanëma quëran co noyahuëꞌ yonquiramaꞌ. Piyapiꞌsaꞌ nonpintatomaꞌ, yaihuaramaꞌ. Paꞌpi co noyahuëꞌ cancantëramaꞌ.

Lucas 12:42

Napotohuachina: “Niꞌcoꞌ iyaroꞌsaꞌ. Oꞌmacaꞌhuaso tahuëri aꞌna patron pochin nisarahuë. Inasoꞌ aquë yapaꞌpachina, inpriatonën noya natërinsoꞌ shaꞌhuitërin. ‘Piyapinëhuëpita noya niꞌquëꞌ. Cosharoꞌ, maꞌsha, inapita pahuantohuachinaꞌ, quëtëraꞌpiraquëꞌ,’ itahuaton paꞌnin.

Lucas 13:15

Quisosori natanahuaton, itapon: —Canpitasoꞌ nonpintënquëmaꞌ. Co noꞌtëquën yonquiramahuëꞌ. Ohuacaꞌ, mora, inapita pëꞌtahuahuatamaꞌ, chinoto tahuërintaꞌ iꞌquiritëramaꞌ. Iꞌsha yaꞌhuërinquë quëparahuatomaꞌ, oꞌshitëramaꞌ.

Lucas 17:5

Ina quëran caꞌtanoꞌsanënpitari itopi: —Catahuacoi Sinioro, Yosë noya noya natëꞌi, itopi.

Lucas 17:6

—Mostasa yaꞌpirin huaꞌhuishin ninin. Ina pochin piꞌpian tërantaꞌ Yosë natëtomaꞌ, nontohuatamaꞌ, noya catahuarinquëmaꞌ. “Yosë nohuanton, iso nara noꞌpa quëran pipirahuaton, marëquë paꞌin,” tënamaꞌ naporini, paꞌitonhuëꞌ. “Yosë noꞌtëquën nontërinco,” topatamaꞌ, sacaiꞌ nininsoꞌ nanitaparamaꞌ, itërin.

Lucas 18:6

Niꞌcoꞌ. Coisë co noyahuëꞌ niponahuëꞌ, napoin quëran quëyoron catahuarin.

Lucas 19:8

Saquioso nipirinhuëꞌ Quisoso aꞌchininsoꞌ natanahuaton, noya natërin. Napoaton itapon: —Nani maꞌsha Sinioro yaꞌhuëtërinco. Ipora patoma saꞌahuaroꞌsaꞌ quëtarahuë. Iráca aꞌnaya aꞌnaya nonpintato, ihuarahuësoꞌ naꞌcon naꞌcon quëtantarahuë. Aꞌna marëíchin nipirinhuëꞌ, catapini quëtantarahuë, itërin.

Lucas 22:61

Naporo chachin Quisosori tahuërëtahuaton, Pitro notëërin. Niꞌsarin niꞌton, ninorinsoꞌ Pitrori yonquirin. “Ipora tashi chachin, coꞌhuara atari përashatërasohuëꞌ, cararoꞌ nonpinapiaranco,” ¿itërinco pora? taꞌton,

Lucas 24:3

Naꞌpi naninquë yaꞌconpirinahuëꞌ, Sinioro Quisoso nonën co quënanpihuëꞌ.

Lucas 24:34

—Tëhuënchachin Sinioro nanpiantarin. Iya Simon nani yaꞌnotërin, itopi.

Lucas 7:12

Ninano yaꞌcoanaquë yaꞌcaritërahuasoꞌ, naꞌa yaꞌhuëhuanoꞌsa nacapipi. Chimipi paꞌpitacaiso marëꞌ quësapi. Huiꞌnapi niponahuëꞌ, aꞌshin ayananpirin. Aꞌshini imasarin. Inaíchin huaꞌhuin nipirinhuëꞌ, chiminin. Soꞌiontaꞌ iráca ayarin niꞌton, saꞌahua paiya inasoꞌ.

Lucas 7:14

Napotahuaton, chimipi acopiquë sëꞌhuaconin. Sëꞌhuarahuachina, quëparapisopita huanipi. Napohuachina, chimipi itapon: —Huënsëquëꞌ apiaꞌhua, itërin.

Lucas 8:52

Naꞌa piyapiꞌsaꞌ naꞌnëtonaꞌ, ayanápi. —Ama naꞌnëcosohuëꞌ. Co sanapiaꞌhua chimininhuëꞌ. Huëꞌësárin, itërin Quisosori.

Juan 11:3

Caniohuachina, oshinpitari piyapi aꞌpapi Quisoso shaꞌhuitacaso marëꞌ: —Nosororansoꞌ Sinioro, chiníquën caniorin. Huëcaton niꞌquiquëꞌ, itërin.

Juan 20:13

—¿Onpoatontaꞌ naꞌnëaran? itërin anquëniri. —Sinioronëhuë nonën nani quëpapi. Intohuasoꞌ quëpapisoꞌ co nitotërahuëꞌ, itërin.

Juan 20:15

—¿Onpoatontaꞌ imoya naꞌnëaran? ¿Intaꞌ yonisaran? itërin Quisosori. Mariaso napoaponahuëꞌ: “Sacatonaꞌpi taꞌmaꞌ,” tëcaton: —Quëmari imoya Quisoso nonën quëpahuatan, shaꞌhuitoco macontaꞌi, itërin.

Juan 4:1

Iꞌhuasoꞌ naꞌa piyapiꞌsaꞌ Coansha imapi. Naꞌa aporintërin. Iporasoꞌ naꞌcon naꞌcon Quisoso imasapi. Co Quisoso chachin aporintërinhuëꞌ. Ina shaꞌhuitohuachincoi, caꞌtanoꞌsanënpitacoi aporintarai. Naꞌcon naꞌcon aporintarai. Parisioroꞌsarintaꞌ natantopi.

Juan 6:23

Napoasoi, potiroꞌsanta Tipiriasë quëran huëꞌpisoꞌ canquirapi quënanpi. Quisoso cosharoꞌ anaꞌataton piyapiꞌsaꞌ aꞌcarinsoꞌ yaꞌcari nonshiipi.

1 Corintios 7:30

Aꞌna tahuëri sëtapomarahuëꞌ, ama sëtacamasorachin yonquicosohuëꞌ. Yosë yonquiatomaꞌ, noya cancantocoꞌ. Aꞌna tahuërintaꞌ capa cancantapomarahuëꞌ, ama inasáchin yonquicosohuëꞌ. Maꞌsha paꞌanacasontaꞌ yaꞌhuëtopirinquëmahuëꞌ, ama inasáchin yonquicosohuëꞌ.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.