Lucas 7:12 - Chayahuita (Shahui)

¹² Ninano yaꞌcoanaquë yaꞌcaritërahuasoꞌ, naꞌa yaꞌhuëhuanoꞌsa nacapipi. Chimipi paꞌpitacaiso marëꞌ quësapi. Huiꞌnapi niponahuëꞌ, aꞌshin ayananpirin. Aꞌshini imasarin. Inaíchin huaꞌhuin nipirinhuëꞌ, chiminin. Soꞌiontaꞌ iráca ayarin niꞌton, saꞌahua paiya inasoꞌ.

Lucas 7:12 ပူးပေါင်းရင်းမြစ်များ

Génesis 22:12

Sinioro anquëninënisoꞌ, itapon: —Ama huiꞌnan tëpaquësohuëꞌ. Tëniponquën napotopiranquënhuëꞌ, iporasoꞌ nani nitotërahuë. Yaꞌipi cancanën quëran huarëꞌ imaranco tënahuë. Huiꞌnan aꞌnaíchin nipirinhuëꞌ, co apiratërancohuë niꞌton, nitotërahuë, itërin.

Génesis 22:2

Naporoꞌ Yosëri itapon: —Huiꞌnan Isaco itëransoꞌ, aꞌnaíchin niꞌton, nosoromiatëran. Ina nipirinhuëꞌ, masahuaton Moria parti quëpaquëꞌ. Inaquë canconpatan, aꞌna motopi aꞌnotaranquën. Inaquë chinotancoso marëꞌ ina tëparahuaton, yaꞌipi ahuiquitëquëꞌ, itërin.

1 Reyes 17:12

Napotaantahuachina, inariso itapon: —Yoscoarëꞌ co anpipinan yaꞌhuëtërincohuëꞌ. Aꞌna sëꞌtamoíchin pochin orinanquë arina yaꞌhuëcharinco. Tomanta yonshaquë piꞌpisha yaꞌhuëtërinco. Inaíchin anpiato huaꞌhuahuë aꞌcaꞌhuaso marëꞌ ihuë masapirahuëꞌ: “Ina pëꞌyachinatoi tana tëpachinaꞌincoi,” taꞌto naporapirahuëꞌ, itërin.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

1 Reyes 17:23

Naporoꞌ Iniasëri quëmapiaꞌhua maimirarahuaton, anohuaramarin. Inaquë aꞌshin quëtaton: —¡Niꞌquë imoya huaꞌhuan nanpirin! itërin. —Iporacha tëhuënchinsoꞌ Yosë piyapinën ninansoꞌ noya noya nitotërahuë huachi. Maꞌsona tëranta quëmasoꞌ topatan, Sinioro anitotërinquënso noꞌtëquën shaꞌhuiaran, itërin quëyoroni.

2 Reyes 4:20

Masahuaton inarisoꞌ, aꞌshinquë quëparin. Inarinta maꞌparahuaton camotëchin huarëꞌ tonainquë ahuënsërin. Naporoꞌ piꞌi huaꞌhuasha chiminarin huachi.

Lucas 7:11

Ina quëran Quisoso Nainquë caꞌtanoꞌsanënpitarëꞌ paꞌnin. Naꞌa piyapiꞌsari imasapi.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.

Lucas 8:42

Huiꞌnahuë yachiminarin,” itiirin. Aꞌnaíchin huiꞌnin yaꞌhuëtërinsoꞌ chiníquën caniorin. Shonca catoꞌ piꞌipitërin. Napotohuachina, inarëꞌ paꞌnin. Naꞌa piyapiꞌsari imasapi niꞌton, Quisoso yaꞌquëëtërapi.

Lucas 8:52

Naꞌa piyapiꞌsaꞌ naꞌnëtonaꞌ, ayanápi. —Ama naꞌnëcosohuëꞌ. Co sanapiaꞌhua chimininhuëꞌ. Huëꞌësárin, itërin Quisosori.

Juan 11:19

Naꞌa cotioroꞌsaꞌ nani huëꞌpi Marta, Maria, inapita achinicancanaponaꞌ. Yoꞌinaꞌ chimininso marëꞌ nontapi ama aquëtëꞌ sëtacaiso marëhuëꞌ.

Hechos 9:39

Napoaton Pitro inapitarëꞌ paꞌnin. Canconpachinara, inapa paꞌcotëquë quëpantapi. Inaquë naꞌa quëyoronoꞌsari tahuirapitahuatonaꞌ, naꞌnëtopi. Aꞌmopisopita Tapitacoꞌ iꞌhua pipitërinsoꞌ saꞌahuaroꞌsaꞌ quëtacaso marëꞌ aꞌnotopi.

Hechos 9:41

Pitrori maimirarahuaton, ahuanirin. Ina quëran imapisopita, quëyoronoꞌsaꞌ inapita përarin. Huëꞌsahuatonaꞌ, nanpirin quënanquipi.

Santiago 1:27

Tëhuënchachin Yosë chinotohuatëhuaꞌ, piyapiꞌsaꞌ nosoroarëhuaꞌ. Saꞌahuaroꞌsaꞌ, quëyoronoꞌsaꞌ, inapita catahuarëhuaꞌ. Maꞌsha pahuantohuachinaꞌ, quëtacasoꞌ yaꞌhuërin. Aꞌnaquën piyapiꞌsaꞌ co noyahuëꞌ cancantatonaꞌ, co Yosë imapihuëꞌ. Ama inapita nonanhuansohuëꞌ. Noyápiachin cancantohuatëhuaꞌ, noya imasarëhuaꞌ. Inapohuatëhuaꞌ, Yosë noya niꞌsarinpoaꞌ.