Lucas 6:6 - Chayahuita (Shahui)

⁶ Ina quëran chinoto tahuëri naniantahuachina, niyontonpiso pëiquë paantahuaton, Yosë nanamën aꞌchiantarin. Inaquë aꞌna quëmapi yaꞌhuërin. Inchinan imirin tachitërin niꞌton, co nanitërinhuëꞌ sëꞌquëtacasoꞌ.

Lucas 6:6 ပူးပေါင်းရင်းမြစ်များ

Mateo 4:23

Yaꞌipi Cariria parti paaton, niyontonpiso pëiroꞌsaquë pënënaꞌpiarin. Noya nanan aꞌchinaton: “Yosë yahuaꞌanëntërinquëmaꞌ,” itëraꞌpiarin. Naporahuaton, naꞌa caniaꞌpiroꞌsaꞌ aꞌnaroáchin anoyatërin. Nisha nisha caniori maninsopita anoyatëraꞌpiarin.

Lucas 13:10

Chinoto tahuëri nanihuachina, niyontonpiso pëiquë paꞌsahuaton, piyapiꞌsaꞌ aꞌchintarin.

Lucas 14:3

Cotio maistroꞌsaꞌ, parisioroꞌsaꞌ, inapita notëërahuaton, Quisosori itërin: —¿Noya chinoto tahuëri caniaꞌpi anoyatacasoꞌ ti? ¿Maꞌtaꞌ tënamaꞌ canpita? itërin.

Lucas 4:16

Ina quëran Nasaritoquë paantarin. Inaquë soꞌsorin. Chinoto tahuëri nanihuachina, niyontonpiso pëiquë paꞌnin. Nani simana inaquë paꞌnin niꞌton, naporoꞌ paantarin. Inaquë yaꞌconahuaton, Yosë quiricanën nontacaso marëꞌ huanirin.

Lucas 4:31

Ina quëran Cariria parti paantarin. Capinaomoquë paaton, chinoto tahuëri aꞌchiantarin.

Lucas 6:1

Aꞌna chinoto tahuëri nanihuachina, Quisoso caꞌtanoꞌsanënpitarëꞌ paꞌsarin. Tricoroꞌ pëntontapona pochin, caꞌtanoꞌsanënpita aꞌnaya aꞌnaya trico moto maraapi. Iꞌshorayarahuatonaꞌ, caraapi.

Lucas 6:5

Ina quëran itantarin: —Yosë quëran quëmapico niꞌto, chiníquën nanantërahuë. Maꞌsona chinoto tahuëri noya nicacasoꞌ shaꞌhuichinquëmaꞌ, itërin.

Juan 5:3

Inaquë naꞌa caniaꞌpiroꞌsaꞌ quëhuënapi. Aꞌnaquën somaraya. Aꞌnaquën sonpacha. Aꞌnaquën nantën tachitërin niꞌton, co nanitërinhuëꞌ huanicasoꞌ. Inaquë ninarapi. [“Huaꞌqui quëran huaꞌqui quëran Sinioro anquëninën oꞌmaton, iꞌsha acoꞌsacaitërin,” topi. “Napohuachina, insoꞌton iꞌquë yaꞌconpachina, aꞌnaroáchin noyatërin,” taꞌtonaꞌ, ninarapi.]

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.