Lucas 6:49 - Chayahuita (Shahui)

⁴⁹ Aꞌnaquënso nipirinhuëꞌ yapëihuachina, co noya yonquirinhuëꞌ. ‘Inotëquë tërantaꞌ pëiꞌi,’ taꞌton, inaquë pëirin. Ina quëran pamatohuachina, chiniiri aꞌnaroáchin tëꞌyatërin. Yaꞌipi noyá quiquirin. Inapochachin topinan natanpatamaco, co natëhuatamacohuëꞌ, co chaꞌësaramahuëꞌ,” itërin.

Lucas 6:49 ပူးပေါင်းရင်းမြစ်များ

Ezequiel 33:31

Ninapotatonaꞌ, huëcapairahuatënën quëma notënanquë huënsëipi. Yáinapopi niꞌton, napopi. Shaꞌhuitëransopita natanpirinahuëꞌ, co nohuantopihuëꞌ natëcaisoꞌ. Huaino cantahuachinara, yonquinëna quëran nitotopi. Inapochachin inahuanta nonansopita yonquinëna quëran nitotopitërapi. Cancanëna quëranso napoaponahuëꞌ, coriquisáchin cancantopi.

Oseas 4:14

Huiꞌnama sanapiꞌsa mamanshiroꞌsa marëꞌ sacatohuachinaꞌ, co napopiso marëꞌ anaꞌintapohuëꞌ. Huiꞌnamapita saꞌinanta soꞌina tëhuananpitohuachinaꞌ, co napopiso marëꞌ anaꞌintapohuëꞌ. Canpitaora chachinta inanpi sanapiꞌsarëꞌquëma poꞌnamaꞌ. Ina sanapiroꞌsa mamanshi moshahuachinara canpitantaꞌ, mamanshiroꞌsa marëꞌ maꞌsha tëparahuatomaꞌ, inapitarëꞌquëma napopináchin moshapatëramaꞌ. Inapoatoma co manta yonquipisohuë pochin ninamaꞌ. Naporama niꞌton, nitapiamaso yaꞌhuërin.

Mateo 23:3

Yosë nanamën aꞌchintohuachinënquëmaꞌ, noya natëcoꞌ. Nipirinhuëꞌ, ama inapita nonancosohuëꞌ. Inahuasoꞌ pënënpirinënquëmahuëꞌ, co cancanëna quëran imapihuëꞌ.

Mateo 24:10

Inapohuachinaꞌ, naꞌa piyapiꞌsaꞌ imasapirinacohuëꞌ, co ahuantatonaraihuëꞌ, Yosë naniantapi. Pipirahuatonaꞌ, imarinacosopita noꞌhuitonaꞌ, shaꞌhuirapirapi.

Marcos 4:17

co cancanëna quëran huarëꞌ natëpihuëꞌ. Co chiníquën cancantatonahuëꞌ, co natëmiatopihuëꞌ. Yosë nanamën yaimapi niꞌton, aꞌnapitari tëhuapi, noꞌhuipi, napotopi. Napohuachinara, Yosë nanamën yaaꞌpopi. Maꞌsha onpohuachinara, aꞌnaroáchin nanamën aꞌpopi.

Lucas 12:47

Aꞌna piyapinënsoꞌ patronëni shaꞌhuitopirinhuëꞌ, co yonquirinhuëꞌ. Noya nitotaponahuëꞌ, co natërinhuëꞌ. Co maꞌshanënpita noya tapatërinhuëꞌ niꞌton, chini chiníquën ahuihuitarin.

Lucas 19:14

Piyapinënpitaso nipirinhuëꞌ co nohuantopihuëꞌ. Noꞌhuipi. Napoaton comisionënpita aꞌpapi copirno shaꞌhuitacaiso marëꞌ. ‘Ina quëmapi co nohuantëraihuëꞌ huaꞌanëntiincoisoꞌ. Ama acoquësohuëꞌ,’ itoonpi.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Lucas 6:46

Ina quëran itantarin: “Aꞌnaquëmaꞌ ‘Sinioro, Sinioro,’ itapomaracohuëꞌ, ¿onpoatontaꞌ co natëramacohuëꞌ?

Lucas 6:48

Inasoꞌ, natëricho quëran yapëirin. Yapëihuachina, noya yonquiaton, noya pëiaquë yonirin. Naꞌpitëꞌ quënanahuaton, naꞌpitëquë chachin natëricho quëran pëirin. Pamatohuachina, opotopirinhuëꞌ, co anotërinhuëꞌ. Chiniiꞌ niponahuëꞌ, co yatëꞌyatërinhuëꞌ.

Lucas 7:1

Piyapiꞌsaꞌ aꞌchintahuaton, Quisoso Capinaomoquë paꞌnin.

Juan 15:2

Aꞌna sëꞌpaquën co nitohuachinahuëꞌ, nishitëtërin. Aꞌnaquënso nipirinhuëꞌ piꞌpian nitërin. Ina sëꞌparaꞌhuainpita piꞌpian niꞌquitërin naꞌcon naꞌcon nitacaso marëꞌ. Co niꞌquitohuatërahuëꞌ, co noya nitërinhuëꞌ.

Hechos 20:29

Nani paꞌpato, co noyahuëꞌ quëmapiꞌsaꞌ huëꞌsapi. Canoniri maꞌsha maninso pochachin yaocoiarinënquëmaꞌ. Paꞌsápatonaꞌ, anishacancantapi. Co nosoroarinënquëmahuëꞌ. Ina nani nitotërahuë.

Hechos 26:11

Niyontonpiso pëiroꞌsaquë yaꞌconahuato, naꞌaroꞌ aparisitërahuë. Quisoso aꞌpocaiso marëꞌ naporahuë. Chiníquën noꞌhuito, nisha piyapiꞌsaꞌ yaꞌhuëpiquë huarëꞌ paato, aparisitërahuë.

1 Tesalonicenses 3:5

Napoaton casoꞌ co huachi ahuantatohuëꞌ, Timotio aꞌpatëranquëmaꞌ onpopinsona imaramasoꞌ nitotaꞌhuaso marëꞌ. Sopai yanonpintërinpoaꞌ Yosë aꞌpocaso marëꞌ. Minsërinquëmaꞌ naporini, topinan quëran aꞌchinchitënquëmahuëꞌ. “Co huachi noya imamaraihuëꞌ,” taꞌtoi, Timotio aꞌpatërainquëmaꞌ.

2 Pedro 2:20

Quisocristo nanamën natanpachinara, natëpirinahuëꞌ. “Chaꞌësarahuë huachi,” taꞌtonaꞌ, co noyahuëꞌ yonquirinsopita piꞌpian naniantopi. Ina quëran nisha cancantatonaꞌ, Yosë aꞌpoantapi. Co noyahuëꞌ niantahuachinara, sopairi minsërin. Ina marëꞌ naꞌcon naꞌcon Yosëri anaꞌintarin huachi.

1 Juan 2:19

“Quiyantaꞌ imarai,” topirinahuëꞌ, nani pipipi. Co tëhuënchachin Yosë huëntonënquë yaꞌconpihuëꞌ. Yaꞌconpi naporini, co pipiitonahuëꞌ. Pipipi quëran nitotërëhuaꞌ. “Co onporontaꞌ cancanëna quëran huarëꞌ imapihuëꞌ,” tënëhuaꞌ.