Lucas 6:46 - Chayahuita (Shahui)

⁴⁶ Ina quëran itantarin: “Aꞌnaquëmaꞌ ‘Sinioro, Sinioro,’ itapomaracohuëꞌ, ¿onpoatontaꞌ co natëramacohuëꞌ?

Lucas 6:46 ပူးပေါင်းရင်းမြစ်များ

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Mateo 25:11

Ina quëran co yonquirinsopitasohuëꞌ huënantatonaꞌ: ‘¡Iꞌsoatocoi sinioro quiyantaꞌ yaꞌcoin!’ itopirinahuëꞌ.

Mateo 25:24

Piquëran quëtërinsoso nipirinhuëꞌ, huëꞌsahuaton itiirin: ‘Quëmasoꞌ sinioro co nosororancoihuëꞌ. Co quëmaora shacaponahuëꞌ, nitërinsoꞌ manan. Co sacataponahuëꞌ, canaran.

Mateo 25:44

Ina quëran natanarinaco: ‘¿Onporotaꞌ Sinioro tanapiranhuëꞌ co aꞌcarainquënhuëꞌ? ¿Onporotaꞌ yamoropiranhuëꞌ co oꞌshitërainquënhuëꞌ? ¿Onporotaꞌ co pëinëhuëiquë ayaꞌconainquënhuëꞌ? ¿Onporotaꞌ aꞌmocasoꞌ pahuantopirinquënhuëꞌ, co quëtërainquënhuëꞌ? ¿Onporotaꞌ caniopiranhuëꞌ co nosororainquënhuëꞌ? ¿Onporotaꞌ tashinan pëiquë parisitopiranhuëꞌ co catahuarainquënhuëꞌ? Co onporontaꞌ ina pochin niꞌnainquënhuëꞌ,’ itarinaco.

Gálatas 6:7

Niꞌcona sopai nonpintochinquëmaꞌ. Co Yosë tëhuacasoꞌ yaꞌhuërinhuëꞌ. Co insoari tërantaꞌ nanitërinhuëꞌ Yosë nonpintacasoꞌ. Noꞌtëquën yonquicoꞌ. Maꞌsha shaꞌpatëra, inachachin nitërin. Co nisha nitërinhuëꞌ.

Santiago 1:22

Noꞌtëquën yonquicoꞌ. Yosë nanamën aꞌchintohuachinënquëmaꞌ, ama topinan quëran natancosohuëꞌ. Yaꞌipi cancanëma quëran huarëꞌ natëcoꞌ.