Lucas 6:41 - Chayahuita (Shahui)

^41-42 Co iyaparin nocanacaso yaꞌhuërinhuëꞌ. Inaso piꞌpian co noyahuëꞌ nipachin, moꞌshiri yaꞌconayatërinso pochin ninin niꞌton, nocanan. Quëmantaꞌ co noyahuëꞌ ninan niꞌton, narasëratëꞌ nani noyá yaꞌcopirayarinquënso pochin nipiranhuëꞌ, naporan. Napoaton ‘carinquën noya nicatënquën moꞌshi ocoichinquën,’ co itamaso yaꞌhuërinhuëꞌ. Napotohuatan, nonpinan. Narasëratëꞌ niocoitëquëꞌ. Ina quëran noya quënantaran. Naporo huarëꞌ nanitaran iyaparin moꞌshi ocoitacasoꞌ,” itërin.

Lucas 6:41 ပူးပေါင်းရင်းမြစ်များ

Ezequiel 18:28

‘Tëhuënchachin co noyahuëꞌ ninahuëso marëꞌ Yosë anaꞌintincoso yaꞌhuërin,’ tëcaton co noyahuëꞌ nininsoꞌ aꞌpohuachin, co chiminaponhuëꞌ, tëhuënchachin nanpipon.

Mateo 7:1

Naquëranchin Quisoso pënëntaantarin. “Ama iyaroꞌsaꞌ aꞌnapita nocancosohuëꞌ. ‘Pasoꞌ quëmapi co noyahuëꞌ,’ ama tocosohuëꞌ, Yosë anaꞌintochinquëmaꞌ.

Marcos 8:7

Caraíchin samintaꞌ yaꞌhuëtopi. Ina marëntaꞌ “Yosparinquën Tata,” itahuaton, caꞌtanoꞌsanënpita shaꞌhuitërin piyapiꞌsaꞌ quëtacaisoꞌ.

Lucas 6:40

Maistrosoꞌ noya noya nitotaton, aꞌnapita aꞌchintërin. Natanpisopitasoꞌ co naꞌcon naꞌcon nitotopihuëꞌ. Nani yaꞌipi aꞌchintohuachina, maistronëna pochin nisapi.

Juan 8:7

—¿Maꞌtaꞌ onpochii? Shaꞌhuitocoi, itantahuachinara, huaniantarin. —Noyahuaꞌ. Insonquëma tërantaꞌ co piꞌpian tërantaꞌ oshahuanpatamahuëꞌ, inariꞌton naꞌpiquë tëꞌyarain, itërin.

Romanos 2:1

Aꞌnaquëmaꞌ iyaroꞌsaꞌ piyapiꞌsaꞌ yonquirapiratomaꞌ: “Pasoꞌ quëmapi co noyahuëꞌ ninin,” tënamaꞌ. Napoapomarahuëꞌ, ina pochachin canpitantaꞌ co noyahuëꞌ ninamaꞌ. Napoatomaꞌ, ninaꞌintaramaꞌ.