Lucas 6:38 - Chayahuita (Shahui)

³⁸ Ama aꞌnapita apiratocosohuëꞌ. Maꞌsha quëtocoꞌ. Ina marëꞌ canpitantaꞌ Yosë acanaarinquëmaꞌ. Co mantaꞌ nonpintarinquëmahuëꞌ. Piyapiꞌsaꞌ nosoroatomaꞌ catahuahuatamaꞌ, Yosëntaꞌ naꞌcon naꞌcon catahuarinquëmaꞌ. Apirahuatamaꞌ, canpitantaꞌ co Yosë catahuarinquëmahuëꞌ,” tënin.

Lucas 6:38 ပူးပေါင်းရင်းမြစ်များ

2 Samuel 19:36

Cortaniiꞌ pëntontacamaso marëíchin caꞌtanaranquën. Inaíchin niꞌquëhuarëꞌ, co aquëtë huarëꞌ acanaancoso yaꞌhuërinhuëꞌ.

Copo naporinso' 42:11

Iinpita, oshinpita, amiconënpita, yaꞌipi nohuitërinsopita, inapitari pëinënquë huëcapaipi. Huëꞌpachinara, inapitarë chachin noya noya cosharo caꞌpi. Naporoꞌ, parisitërinso marëꞌ achinicancanpi. Naporahuatonaꞌ, aꞌnaya aꞌnayari aꞌna tansëraꞌ prata quëtopi. Ina nisahuaton aꞌnara oro quëran nipisoꞌ poꞌmoitëra quëtëraꞌpiapi.

Mateo 10:42

Inso tërantaꞌ imarincoso co chiníquën nanantopirinhuëꞌ, inantaꞌ nosorocasoꞌ yaꞌhuërin. Imarincoso marëꞌ iꞌsha tërantaꞌ oꞌshitohuatamaꞌ, inápaquë Yosë acanaarinquëmaꞌ. Tëhuënchachin noya iꞌhuërëtarinquëmaꞌ,” itërin Quisosori.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Marcos 4:24

Ina quëran napotaantarin: “Natanpatamaꞌ, noya yonquicoꞌ. Onpopinsona aꞌnapita nitohuatamaꞌ, inapochachin Yosëntaꞌ nitarinquëmaꞌ. Aquë aquëtë chachinhuë nipon quëtarinquëmaꞌ.

Lucas 6:30

‘Maꞌsha quëtoco,’ itohuachinquën, ama apiraquësohuëꞌ. Quëpatohuachinquën, ama maꞌpataantaquësohuëꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.