Lucas 6:35 - Chayahuita (Shahui)

³⁵ Canpitaso nipirinhuëꞌ inimiconëmantaꞌ nosorocoꞌ. Inapitantaꞌ catahuacoꞌ. Piyapiꞌsaꞌ pahuantohuachinaꞌ, coriqui aꞌnancoꞌ. ‘Co iꞌhuërëtaponcohuëꞌ nimara,’ tapomarahuëntaꞌ, aꞌnancoꞌ. Ina pochin nipatamaꞌ, Yosëꞌpaꞌ naꞌcon canaaramaꞌ. Yosë pochachin cancantaramaꞌ. Inasoꞌ yaꞌipi piyapiꞌsaꞌ nosoroaton, catahuarin. Oshahuanoꞌsantaꞌ nosororin. Co ‘Yosparinquën,’ itopirinahuëꞌ, catahuarin.

Lucas 6:35 ပူးပေါင်းရင်းမြစ်များ

Salmos 145:9

Inasoꞌ, yaꞌipi marëꞌ paꞌpi noya ninin. Yaꞌipi acorinsopita noya aꞌpairin.

Salmos 37:26

Nani tahuëri piyapiꞌsa nosoroaton maꞌsha aꞌnanin. Huiꞌninpitanta noya niꞌtonaꞌ, noya catahuatapi.

Mateo 5:9

Isoroꞌpaquë naꞌa piyapiꞌsaꞌ ninoꞌhuipirinahuëꞌ, canpitari catahuacoꞌ noya ninonchinaꞌ. Ina marëꞌ Yosë noya niꞌsarinquëmaꞌ. Huiꞌnin pochin cancantiarinquëmaꞌ.

Marcos 5:7

Napohuachina, Quisosori nosoroaton, aꞌnaroáchin sopai nontërin. —¡Iso quëmapi quëran pipico huachi! itërin. Ina natanahuaton, sopairi chiníquën aꞌpanirin. —¿Maꞌtaꞌ yaonpotarancoi? Quëmasoꞌ Quisosonquën, Yosë huiꞌninquën niꞌton, chini chiníquën nanantëran. Yosë marëꞌ ama apira aparisitocoisohuëꞌ, itërin.

Lucas 1:32

Mashotohuachin, chiníquën nanantarin. Inasoꞌ Yosë huiꞌnin. Yosë nohuanton, copirno yaꞌconarin. Iráca Tata masho Tapi israiroꞌsaꞌ noya huaꞌanëntopirinhuëꞌ. Ina quëran chiminin. Iporaso nipirinhuëꞌ huaꞌhuani huaꞌanëntomiatarin. Co onporontaꞌ pipirarinhuëꞌ, itërin anquëniri.

Lucas 6:36

Tata Yosëri yaꞌipi piyapiꞌsaꞌ nosororin. Inapochachin canpitantaꞌ aꞌnapita nosorocoꞌ,” itërin.

Juan 13:35

Ninosorohuatamaꞌ, tëhuënchachin imaramacosoꞌ nitotapi. “Quisoso imatonaꞌ, noya noya ninosoroapi,” tosapi, itërin.

Juan 15:8

Opa naꞌcon nitërinso pochin canpitantaꞌ noya noya nicoꞌ. Ina quëran aꞌnapitantaꞌ nicatënënquëmaꞌ, Yosë yonquiaponaꞌ. Naporahuatomaꞌ, noya noya imasaramaco.

Hechos 14:17

Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.

2 Corintios 8:9

Sinioro Quisocristo nosoroatonpoaꞌ, catahuarinpoasoꞌ nani nitotëramaꞌ. Iráca noya noya inápaquë yaꞌhuëpirinhuëꞌ, isoroꞌpaquë oꞌmarin nichaꞌëinquëmaso marëꞌ. Co mantaꞌ isëquë yaꞌhuëtërinhuëꞌ. Parisitërin quëran nichaꞌërinquemaꞌ noya noya cancantacaso marëꞌ. Parisitaton, naꞌcon catahuarinquëmaꞌ.

2 Timoteo 3:2

Piyapiꞌsaꞌ niapiratatonaꞌ, co huachi aꞌnapita yonquiapihuëꞌ. Coriquiráchin cancantapi. Aꞌnapita nocanapi. “Casoꞌ noya noyaco,” taꞌtonaꞌ, aꞌnapita co noyahuëꞌ niꞌsapi. Nipinosapi; Yosëntaꞌ pinosapi. Aꞌshinaꞌ, paꞌpinaꞌ, inapita co natërapihuëꞌ. Nani maꞌsha quëtopirinahuëꞌ, ina marëꞌ “Yosparinquën,” co itopihuëꞌ. Co Yosë chinotapihuëꞌ.