Lucas 6:12 - Chayahuita (Shahui)

¹² Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Lucas 6:12 ပူးပေါင်းရင်းမြစ်များ

Salmos 22:2

Tahuëri tashirë chachin nontápiranquënhuëꞌ, co aꞌpanirancohuëꞌ. ¡Inapoato co manta sano cancantërahuëꞌ!

Daniel 6:10

Camaitopiso Naniri nitotaponahuëꞌ, co natëtërinhuëꞌ. Pëinënquë paꞌsahuaton, huëꞌërinso patoanaquë yaꞌconin. Huintananënpita Quirosarin parti notëtopisoꞌ iꞌsohuatahuaton, isonin. Isonahuaton Yosë nontërin, chinotërin, naporin. Inachintërin nichinapon chachin nani tahuëri cararo naporin.

Mateo 5:1

Ina quëran notohuaroꞌ piyapiꞌsaꞌ niyontonpi. Inapita quënanahuaton, Quisoso panënquë paꞌsahuaton, huënsëconin. Imarinsopitari tancapitohuachinara, naꞌcon aꞌchintárin.

Mateo 6:6

Canpitaso nipirinhuëꞌ Yosë yanontohuatamaꞌ, canpitaoráchin onpopiyanquë tërantaꞌ Yosë nontacasoꞌ yaꞌhuërin. Quëmaoraíchin Yosë nontëquëꞌ. Co quënanpiranhuëꞌ, nataninquën. Co piyapiꞌsaꞌ natanpirinënquënhuëꞌ, Yosësoꞌ noya natanatënquën, acanaarinquën.

Marcos 1:35

Tahuëririnquë coꞌhuara noya huënihuayantërasohuëꞌ, Quisoso huënsërahuaton ninano quëran pipirin. Co piyapi yaꞌhuërinquëhuëꞌ Yosë nontacaso marëꞌ inaoraíchin paꞌnin.

Marcos 3:13

Ina quëran Quisoso aꞌna motopiaꞌhuaquë paantarin. Nohuantërinsopita përapachina, paapapi.

Marcos 6:46

Nani nontohuachina, inaora paꞌnin aꞌna motopiaꞌhuayaquë Yosë nontacaso marëꞌ.

Lucas 5:16

Quisososo nipirinhuëꞌ, apira apira piyapiꞌsaꞌ patërin. Co piyapi yaꞌhuërinquëhuëꞌ paꞌnin Yosë nontacaso marëꞌ.

Lucas 6:11

Ina marëꞌ niꞌsapisopitari chiníquën noꞌhuitonaꞌ, inahuara capini ninontopi onporahuatonsona Quisoso maꞌsha onpotacaisoꞌ.

Lucas 6:17

Inapitarëꞌ nohuaraimarahuaton, pastoquë huanirin. Naꞌa imarinsopita inaquë yaꞌhuapi. Notohuaroꞌ piyapiꞌsantaꞌ huëꞌpi Quisoso natanacaiso marëꞌ. Quirosarin quëran huëꞌpi. Yaꞌipi Cotia parti quëran huëꞌpi. Marë yonsan quëraontaꞌ huëꞌpi. Tiro, Siton, inapita yaꞌcariya yaꞌhuëpisopitantaꞌ huëcatonaꞌ, noya natanpi. Caniaꞌpiroꞌsantaꞌ quëpi anoyatacaso marëꞌ.

Lucas 9:18

Aꞌna tahuëri Quisoso inaora paꞌnin Yosë nontacaso marëꞌ. Caꞌtanoꞌsanënpitaráchin inaquë yaꞌhuëpi. Nani Yosë nontohuachina, Quisosori itërin: —Nani maꞌsha nanitaparahuë niꞌto, ¿in pochintaꞌ piyapiꞌsaꞌ cancantiarinaco? itërin.

Lucas 9:28

Posa tahuëri quëran Quisoso motopiquë paꞌnin. Pitro, Coansha, Santiaco, inapitaráchin quëparahuaton, Yosë nontacaso marëꞌ paꞌnin.

Lucas 9:29

Yosë nontasoꞌ, nisha pochin yaꞌnorin. Aꞌmorinsontaꞌ huënaráchin huënaráchin ninin. Huiri huiríchin.

Juan 6:3

Nonshirahuatoi, aꞌna motopiaꞌhuaquë pomosocontarai. Inaquë huënsëconai.

Colosenses 4:2

Nani tahuëri Yosë nontocoꞌ. Ama amiatomahuëꞌ, nontácoꞌ. Ama topinan nontocosohuëꞌ. Yaꞌipi cancanëma quëran huarëꞌ noya yonquiatomaꞌ, nontocoꞌ. “Yosparinquën Sinioro,” itocoꞌ.

Hebreos 5:7

Quisocristo isoroꞌpaquë oꞌmarahuaton, piyapi chachin nasitimarin. Yatëpahuachinara, chiníquën Yosë nontërin. Naꞌnëton, itapon: “Quëma nohuantohuatan Tata, nichaꞌëco, ama tëpaꞌinacosohuëꞌ. Nipirinhuëꞌ, co quëma nohuantohuatanhuëꞌ, maꞌsona yaonpotohuatancontaꞌ noya,” itërin. Noꞌtëquën yanatërin niꞌton, Yosëri natanaton, catahuarin noya natëcasoꞌ.