Lucas 6:11 - Chayahuita (Shahui)

¹¹ Ina marëꞌ niꞌsapisopitari chiníquën noꞌhuitonaꞌ, inahuara capini ninontopi onporahuatonsona Quisoso maꞌsha onpotacaisoꞌ.

Lucas 6:11 ပူးပေါင်းရင်းမြစ်များ

Mateo 16:7

Natanahuatonaꞌ, caꞌtanoꞌsanënpita capini ninontopi. —¿Onpoatontaꞌ naporin? tënin aꞌnasoꞌ. —Ahuën. Capa pan. Co quënëhuahuëꞌ niꞌton, napotërinpoaꞌ nimara, tënin aꞌnantaꞌ.

Mateo 21:45

Natanahuatonaꞌ, cotio huaꞌanoꞌsaꞌ, parisioroꞌsaꞌ, inapita yonquipi. “Canpoaꞌ chinotatonpoaꞌ pënënarinpoaꞌ,” taꞌtonaꞌ, noꞌhuipi.

Lucas 4:28

Ina natanahuatonaꞌ, yaꞌipi piyapiꞌsaꞌ chiníquën noꞌhuitopi.

Lucas 6:10

Napotopirinhuëꞌ, co mantaꞌ topihuëꞌ. Co aꞌpanitohuachinarahuëꞌ, aꞌnaya aꞌnaya niꞌsarin quëran apia itërin: —Imiran iyasha ihuëquëꞌ, itërin. Natëton, ihuëhuachina, aꞌnaroáchin noyatërin.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Juan 11:47

Ina natanahuatonaꞌ, parisioroꞌsaꞌ, corto huaꞌanoꞌsaꞌ, inapita napopianáchin yonquiatonaꞌ, yaꞌipi cotio huaꞌanoꞌsaꞌ ayontonpi ninontacaiso marëꞌ. —¿Maꞌtaꞌ onpotahuaꞌ? Ina quëmapi naꞌa piyapiꞌsaꞌ aꞌnaroáchin anoyatarin. Iporantaꞌ aꞌna piyapi chiminpirinhuëꞌ, ananpitaantarin. “Yosëri chachin catahuarin,” topi.

Juan 7:1

Ina quëran huaꞌquimiáchin Quisoso Cariria parti yaꞌhuërarin. Cotioroꞌsari yatëpapi niꞌton, co Cotia parti yapaꞌninhuëꞌ.

Hechos 26:11

Niyontonpiso pëiroꞌsaquë yaꞌconahuato, naꞌaroꞌ aparisitërahuë. Quisoso aꞌpocaiso marëꞌ naporahuë. Chiníquën noꞌhuito, nisha piyapiꞌsaꞌ yaꞌhuëpiquë huarëꞌ paato, aparisitërahuë.

Hechos 4:15

Pitro, Coansha, inapita aipiran aꞌparahuatonaꞌ, inahua capini ninontapi.

Hechos 4:19

Napotopirinahuëꞌ, Pitro Coansharë chachin co yanatëtopihuëꞌ. —Yosë natëtoi, co nanitëraihuëꞌ canpita natëcaꞌhuainquëmasoꞌ. Co quiyasoꞌ nanitëraihuëꞌ taꞌtahuaisoꞌ. Niꞌnaisoꞌ shaꞌhuirápoi. Natanaisontaꞌ shaꞌhuirápoi. “Co Yosë natëcasoꞌ yaꞌhuërinhuëꞌ,” ¿tënamaꞌ ti? itopi.

Hechos 5:33

Cotio huaꞌanoꞌsari natanahuatonaꞌ, chiníquën noꞌhuiantarahuatonaꞌ, yatëpapirinahuëꞌ.

Hechos 7:54

Natanahuatonaꞌ, chiníquën noꞌhuitonaꞌ, yatëpapi.

2 Timoteo 3:9

Aꞌchintohuachina, aꞌnaquën natëpirinahuëꞌ, oshaquëran co huachi natërapihuëꞌ. “Nonpinápi,” taꞌtonaꞌ, co huachi imasapihuëꞌ. Inapochachin iráca ina pënotonoꞌsari nonpintopirinahuëꞌ, piyapiꞌsari oshaquëran noꞌtëquën nitotahuatonaꞌ, aꞌpopi huachi.