Lucas 5:7 - Chayahuita (Shahui)

⁷ Amiconënpita aꞌna potiquë yaꞌhuërinsoꞌ imirin quëran anquitërin huëcatonaꞌ catahuacaiso marëꞌ. Napotohuachinara, huëꞌpi. Catoꞌ potiquë chachin sami amëntatopi. Napohuachinara, yayancominapipi.

Lucas 5:7 ပူးပေါင်းရင်းမြစ်များ

Marcos 4:36

Nani piyapiꞌsa nontahuaton, Quisoso potiquë yaꞌcomarin. Napohuachina, caꞌtanoꞌsanënpitarë chachin paꞌpi. Naporoꞌ aꞌnapitantaꞌ nisha potiroꞌsaquë paꞌpi.

Lucas 5:6

Ina quëran tëꞌyatohuachinara, notohuaroꞌ sami mapi. Huaꞌhuayatërahuëꞌ niꞌton, riti yaoquirin.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

Hechos 11:25

Ina quëran Pirnapi Tarsoquë paꞌnin Saono yonípon. Inaquë yoniton, quënanin.

Gálatas 6:2

Yaꞌipinpoaꞌ aꞌna tahuëri maꞌsha onporëhuaꞌ. Aꞌna tahuërintaꞌ sopai yanonpintërinpoaꞌ co noyahuëꞌ nicacaso marëꞌ. Napoaton nicatahuahuaꞌ noya yonquicaso marëꞌ. Panca pëꞌpëto nicatahuarëso pochin catahuahuaꞌ. Inapohuatëhuaꞌ, Quisocristo natëarihuaꞌ. “Ninosorocoꞌ,” itërinpoaꞌ.

Filipenses 4:3

Quëmantaꞌ iyasha naꞌcon catahuaranco niꞌton, inapita catahuaquëꞌ noya ninonchinaꞌ. Cato chachin nóya sanapiꞌsaꞌ. Naꞌcon catahuarinaco Quisoso nanamën aꞌchinaꞌhuaso marëꞌ. Iya Crimintintaꞌ noya catahuarinco. Aꞌnapitantaꞌ catahuarinaco aꞌchinaꞌhuaso marëꞌ. Co nininënpita isëquë ninshitopirahuëꞌ, Yosëri nohuitërin. Nanpirin quiricaquë nininënpita nani ninshitërin. Inaquë ninshitohuachinpoaꞌ, nanpimiatarihuaꞌ.