Lucas 5:36 - Chayahuita (Shahui)

³⁶ Ina quëran pënënto nanan aꞌchintaantarin. —Niꞌcoꞌ. Aꞌmoramaso irácaya nininsoꞌ noshatohuachina, co nasha aꞌmorëso yanorëhuëꞌ paꞌpitacaso marëꞌ. Nasha aꞌmorëso yanohuatëra, tapirëꞌ. Naporahuaton, nasha nëꞌmëtëquë paꞌpitohuatëra, co inashitërinhuëꞌ.

Lucas 5:36 ပူးပေါင်းရင်းမြစ်များ

Levítico 19:19

Ama topinan quëran pënënanquëmasopita, natancosohuëꞌ. Noꞌtëquën natëcoꞌ. Ama nisha pëꞌtahuaquë, pëꞌtahuanëma atoꞌquëtocosohuëꞌ. Shaꞌtohuatamaꞌ, ama ina iminquëráchin nisha nisha yaꞌpirin, shaꞌcosohuëꞌ. Aꞌmocamaso yanipatamaꞌ, ama nisha nisha quëran paꞌtocosohuëꞌ. Aꞌnaquësáchin paꞌtocoꞌ.

Lucas 5:35

Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiatonahuëꞌ sëtapi. Inapochachin cantaꞌ mapachinaco, imarinacosopita sëtaponaꞌ. Sëtatonaꞌ co huachi coshatacaisoꞌ yonquiatonahuëꞌ, Yosë nontáponaꞌ, tënin.

Lucas 5:37

Huino shaꞌmorontaꞌ yonquicoꞌ. Shaꞌmoroꞌ nipachina, co shaꞌhuëtëꞌ morsa mocaroꞌ nininquë taꞌpanëhuëꞌ. Saꞌpotohuachina, aꞌnaroáchin nopoitërin. Nopoitohuachina, huino chiniarëꞌ. Morsantaꞌ tapirëꞌ.

2 Corintios 6:16

Yosë chinotërëhuaquë noyasáchin nicacasoꞌ yaꞌhuërin. Co inaquësoꞌ mamanshi moshacasoꞌ yaꞌhuërinhuëꞌ. Inapochachin canpoantaꞌ Yosë imapatëhuaꞌ, yaꞌcoancantarinpoaꞌ niꞌton, ina pëinën pochin ninëhuaꞌ. Yosësoꞌ nanpiárin. Quiricanën quëran naporin: “Imapatamaco, yaꞌcoancantaranquëmaꞌ. Canpitaroꞌco yaꞌhuarahuë. Chinotohuatamaco, noya aꞌpaiaranquëmaꞌ. Piyapinëhuëpita pochin niꞌsaranquëmaꞌ,” tënin.