Lucas 5:19 - Chayahuita (Shahui)

¹⁹ Huaꞌhuayatërahuëꞌ piyapiꞌsaꞌ yaꞌsopi niꞌton, co nanitopihuëꞌ yaꞌconacaisoꞌ. Napoaton pëiꞌ nanpëtahuatonaꞌ, aꞌcanpisoꞌ piꞌpian oꞌquirahuatonaꞌ, pëꞌsaraꞌhuayarë chachin anohuaramapi. Huancanachin Quisoso pirayan acomapi.

Lucas 5:19 ပူးပေါင်းရင်းမြစ်များ

2 Samuel 11:2

Aꞌna tahuëri iꞌhuararahuasoꞌ, inaso chinotërin quëran huënsërin. Pëinën aipi nanpëontarahuaton, costatarin. Costatapon pochin nocotopirinhuëꞌ, aꞌnara sanapi quënanin. Inasoꞌ sanapi noyápiroyanchin. Iꞌiratënënquë amararin.

Jeremías 19:13

Quirosarinquë pëiroꞌsa yaꞌhuërinso aipi, yonarin pochin nininsoꞌ tayoraroꞌsa moshacaiso marëꞌ aꞌpëpi. Nisha nisha mamanshiroꞌsa marëntaꞌ, huino opopi. Copirnoroꞌsa huaꞌanëntopiso pëiroꞌsa aipinta inapopi niꞌton, amirotochináchin niꞌnahuë. Yaꞌipi inapita pëiroꞌsaꞌ, Tohuito amirotochináchin niꞌnahuëso pochachin niꞌsarahuë, tënin Sinioro,’ itaantaquëꞌ,” itërinco.

Mateo 10:27

Iporasoꞌ co yaꞌipi piyapiꞌsaꞌ aꞌchintarahuëꞌ. Carayanquëma tërantaꞌ canpitaora quëparahuatënquëmaꞌ, naꞌcon aꞌchintaranquëmaꞌ. Aꞌna tahuëriso nipirinhuëꞌ yaꞌipi piyapi aꞌninquëchin shaꞌhuitocoꞌ nitochinaꞌ.

Mateo 24:17

Pëinëma aipi yaꞌhuëhuatamaꞌ, ama maꞌshanëmapita quëpacaso marëꞌ yaꞌconcosohuëꞌ. Aꞌnaroáchin topinan taꞌacoꞌ.

Marcos 2:4

Quisosoquë yaquëpapirinahuëꞌ, huaꞌhuayátërahuë piyapiꞌsaꞌ niꞌton, co nanitopihuëꞌ yaꞌconacaisoꞌ. Yaꞌshotopi. Napoaton pëiꞌ nanpëtahuatonaꞌ, aꞌcanpiso piꞌpian oꞌquirahuatonaꞌ, pëꞌsaraꞌhuayarë chachin anohuaramapi. Quisoso pirayan acomapi huachi.

1 Samuel 9:25

Inahuara nohuanton artaro acopi quëran ninanoquë nohuaramapi. Naporoꞌ Samoiro pëinën aipi, Saono huëꞌëcaso acotopi.