Lucas 5:16 - Chayahuita (Shahui)

¹⁶ Quisososo nipirinhuëꞌ, apira apira piyapiꞌsaꞌ patërin. Co piyapi yaꞌhuërinquëhuëꞌ paꞌnin Yosë nontacaso marëꞌ.

Lucas 5:16 ပူးပေါင်းရင်းမြစ်များ

Mateo 14:23

Nani nontohuachina, panënquë inaora paꞌnin Yosë nontacaso marëꞌ. Inaquë Yosë nontasoꞌ, tashitërin.

Marcos 6:46

Nani nontohuachina, inaora paꞌnin aꞌna motopiaꞌhuayaquë Yosë nontacaso marëꞌ.

Lucas 3:21

Coꞌhuara apoꞌmochatërasohuëꞌ, Coanshari piyapiꞌsaꞌ aporintahuachina, Quisosontaꞌ huëꞌnin aporihuanacaso marëꞌ. Nani aporihuanahuaton, Yosë nontërin. Nontasoꞌ, piꞌiroꞌtëꞌ niꞌsoatërin.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Lucas 9:28

Posa tahuëri quëran Quisoso motopiquë paꞌnin. Pitro, Coansha, Santiaco, inapitaráchin quëparahuaton, Yosë nontacaso marëꞌ paꞌnin.

Lucas 9:29

Yosë nontasoꞌ, nisha pochin yaꞌnorin. Aꞌmorinsontaꞌ huënaráchin huënaráchin ninin. Huiri huiríchin.

Juan 6:15

“Huëcoꞌ maahuaꞌ, copirno acoaꞌahuaꞌ,” topi aꞌnaquën. Co Quisosori natanaponahuëꞌ, inaora yonquinën quëran nitotërin. Nitotaton, inaora panënquë pantarin.