Lucas 5:11 - Chayahuita (Shahui)

¹¹ Ina quëran nonshirahuatonaꞌ, maꞌshanënapita patahuatonaꞌ, Quisoso imapi huachi.

Lucas 5:11 ပူးပေါင်းရင်းမြစ်များ

Mateo 10:37

Yaimapatamaco, ca naꞌcon naꞌcon nosoroco. Tatamaꞌ, mamamaꞌ, huiꞌnamaꞌ inapita co onpopinchin nosorocasoꞌ yaꞌhuërinhuëꞌ. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ tënahuë.

Mateo 19:27

—Niꞌquëꞌ Maistro. Quiyasoꞌ yaꞌipi maꞌshanëhuëi patahuatoi, imasarainquën. ¿Maꞌtaꞌ ina marëꞌ canapoi? itërin Pitrori.

Mateo 19:29

Aꞌnaquëma mini imamacoso marëꞌ maꞌshanëmaꞌ pataramaꞌ. Ina marëꞌ Yosë acanaarinquëmaꞌ. Aꞌnaquëmaꞌ pëinëmaꞌ, iyaparimaꞌ, oshiparimaꞌ, tataparimaꞌ, mamaparimaꞌ, saꞌamaꞌ, huiꞌnamaꞌ, noꞌpanëmaꞌ inapita pataramaꞌ aꞌchinacaso marëꞌ. Inapohuatamaꞌ, aꞌnaíchin marëꞌ pasa aquëtë canarëso pochin quëtarinquëmaꞌ. Ina quëran aꞌna tahuëri Yosëꞌpaꞌ nanpimiataramaꞌ.

Mateo 4:20

Napotohuachina, ritinënapita patahuatonaꞌ, Quisoso imasapi huachi.

Mateo 4:22

potinënaꞌ, paꞌpinaꞌ inapita patahuatonaꞌ, Quisoso imasapi huachi.

Marcos 10:21

Ina natanahuaton, nirayarin. “Tëhuënchachin noya yonquirin,” taꞌton nosororin. —Isontaꞌ iyasha Yosë nohuantërin taꞌa. Paquëꞌ. Yaꞌipi maꞌshanënpita paꞌanahuaton, coriqui canaransoꞌ saꞌahuaroꞌsaꞌ quëtëquëꞌ. Ina quëran huëquëꞌ imaco huachi. Inapohuatan, aꞌna tahuëri Yosëꞌpaꞌ canamiataran, itërin.

Lucas 5:28

Napotohuachina, aꞌnaroáchin huanirin. Maꞌshanënpita patahuaton, Quisoso imarin.