Lucas 4:6 - Chayahuita (Shahui)

⁶ —Yaꞌipi isopita huaꞌanëntato, carinquën quëchinquën inapita huaꞌanëntamaso marëꞌ. Chiníquën nanan quëchinquën. Insosona nohuantërahuësoꞌ nanitërahuë quëtaꞌhuasoꞌ.

Lucas 4:6 ပူးပေါင်းရင်းမြစ်များ

Lucas 4:7

Isonahuaton, chinotohuatanco, catahuaaranquën yaꞌipiya huaꞌanëntamasoꞌ, itërin.

Juan 12:31

Iporasoꞌ co natëpisopitahuëꞌ noꞌhuiarinaco niꞌton, anaꞌintacasoꞌ yaꞌhuërin huachi. Huaꞌquiꞌ sopairi piyapiꞌsaꞌ camaipirinhuëꞌ, cari minsërahuato, ocoiarahuë.

Juan 14:30

Co huachi huaꞌquiꞌ nontaranquëmahuëꞌ. Sopai huaꞌan nohuanton, masarinaco. Inari camairin niꞌton, nani huëꞌsapi macainacoso marëꞌ. Co casoꞌ piꞌpian tërantaꞌ ina camaincosohuëꞌ nipirinhuëꞌ,

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

2 Corintios 11:14

Co ina marëꞌ paꞌyanacasoꞌ yaꞌhuërinhuëꞌ. Niꞌcoꞌ. Satanasëntaꞌ nohuantohuachin, Yosë anquëninën pochin yaꞌnorarin piyapiꞌsaꞌ nonpintacaso marëꞌ.

Efesios 2:2

Coꞌhuara Quisocristo imashatërapomahuëꞌ, sopai huaꞌan natëtomaꞌ, co noyahuëꞌ ninamaꞌ. Inasoꞌ ihuan yaꞌhuërinquë yaꞌhuaton, yaꞌipi sopairoꞌsaꞌ huaꞌanëntarin. Co quënanpirëhuahuëꞌ, isoroꞌpaquë sacatárin minsëinpoaso marëꞌ. Yonquinëmaquë camairinquëmaꞌ niꞌton, co Yosë natëramahuëꞌ.

1 Pedro 1:24

“Panpatëroꞌ aꞌnaroáchin ahuirin. Inapochachin canpoantaꞌ chiminarihuaꞌ. Yancoroꞌsantaꞌ noyápiachin nipirinhuëꞌ, aꞌnaroáchin ahuihuachina, nohuatërin. Inapochachin nani maꞌsha niꞌnëhuasopita taꞌhuantarin antaꞌ.

1 Juan 5:19

Imarëhuasopitasoꞌ Yosë huiꞌninpitanpoaꞌ ninëhuaꞌ. Aꞌnapitaso nipirinhuëꞌ co imapihuëꞌ niꞌton, sopairi huaꞌanëntërin. Camaihuachina, ina natëpi. Ina nitotërëhuaꞌ.

Apocalipsis 12:9

Inapotatonaꞌ, panca yaꞌhuan pochin nininsoꞌ inápa quëran tëꞌyatopi. Inasoꞌ sopai chachin, Satanasë itopisoꞌ. Yaꞌipi piyapiꞌsaꞌ yanonpintërin. Ina minsërahuatonaꞌ, anquëninënpitarë chachin isoroꞌpaquë tëꞌyatopi.

Apocalipsis 13:2

Yarani pochin niponahuëꞌ, tocani pochin nantëtërin. Nanamënsoꞌ paꞌpini pochin nanantërin. Panca yaꞌhuani chachin chiníquën nanan quëtapon niꞌton, chiníquën nanantaton, copirno yaꞌconapon.

Apocalipsis 13:7

Yosë imapisopita co quëꞌyarinhuëꞌ. Sopai nohuanton, aparisitarin. Quira nisahuaton, canatarin. Notohuaroꞌ piyapiꞌsaꞌ nisha nisha parti yaꞌhuëpisopita huaꞌanëntarin. Nisha nisha nananquë nonpisopita huaꞌanëntarin.