Lucas 4:5 - Chayahuita (Shahui)

⁵ Ina quëran aꞌna motopiꞌpaꞌ sopairi quëparin. Yaꞌipi ninanoroꞌsaꞌ, maꞌshanënpita, inapita aꞌnotërin. Aꞌnaroáchin noyápiachin nininsopita, yaꞌipi quënanin.

Lucas 4:5 ပူးပေါင်းရင်းမြစ်များ

Mateo 24:14

Yosë huaꞌanëntërinquë yaꞌconacasoꞌ aꞌchintëranquëmaꞌ. Ina nanan chachin yaꞌipi parti aꞌchinacasoꞌ yaꞌhuërin. Yaꞌipi piyapiꞌsaꞌ nitochinaꞌ. Yaꞌipi parti aꞌchintohuachinaꞌ, naporoꞌ ayaroꞌ tahuëri naniarin huachi.

Mateo 4:8

Ina quëran aꞌna motopiꞌpaꞌ sopairi quëpantarin. Inatohua quëran yaꞌipi ninanoroꞌsaꞌ, maꞌshanënpita, inapita aꞌnotërin. Noyápiachin nininsopita yaꞌipiya quënanin.

1 Corintios 15:52

Aꞌnanaya nisha nonënpoaꞌ yaꞌhuëtarinpoaꞌ. Oꞌmantacasoꞌ tahuëri nanihuachin, tronpita pihuirarin. Pihuihuachin, chiminpisopita nanpiantarapi. Quisocristo imapi niꞌton, ananpitaantarin huachi. Naporoꞌ yaꞌipi imarëhuasopita nisha nonënpoaꞌ yaꞌhuëtarinpoaꞌ. Co huachi chiminarihuahuëꞌ.

1 Corintios 7:31

Yaꞌipi maꞌsha isoroꞌpaquë yaꞌhuërinsopita aꞌna tahuëri taꞌhuantarin. Napoaton maꞌsha yaꞌhuëtopirinquëmahuëꞌ, ama inapita naꞌcon naꞌcon yonquicosohuëꞌ.

2 Corintios 4:17

Tëhuënchachin iporasoꞌ piꞌpian parisitapirëhuahuëꞌ, co huaꞌquiꞌ isoroꞌpaquë yaꞌhuarihuahuëꞌ. Yosëꞌpaꞌ paꞌpatëhuaꞌ, co onporontaꞌ pipiarëhuahuëꞌ. Imarëhuaso marëꞌ parisitapirëhuahuëꞌ, inapaquësoꞌ noya noya cancantarihuaꞌ. Yosë pochachin cancantarihuaꞌ.

Efesios 2:2

Coꞌhuara Quisocristo imashatërapomahuëꞌ, sopai huaꞌan natëtomaꞌ, co noyahuëꞌ ninamaꞌ. Inasoꞌ ihuan yaꞌhuërinquë yaꞌhuaton, yaꞌipi sopairoꞌsaꞌ huaꞌanëntarin. Co quënanpirëhuahuëꞌ, isoroꞌpaquë sacatárin minsëinpoaso marëꞌ. Yonquinëmaquë camairinquëmaꞌ niꞌton, co Yosë natëramahuëꞌ.

Efesios 6:12

Inimiconënpoaꞌ co piyapi pochin quënanëhuahuëꞌ. Sopai huaꞌansoꞌ yaminsërinpoaꞌ. Naꞌa sopairoꞌsantaꞌ inápaquë yaꞌhuatonaꞌ, yacamairinënpoaꞌ. Co quënanpirëhuahuëꞌ, yonquinënpoa quëran yacamairinënpoaꞌ co noyahuëꞌ nicacaso marëꞌ. Iporasoꞌ notohuaroꞌ piyapiꞌsaꞌ tashi pochin cancantatonaꞌ, sopai natëpi. Inari camairin niꞌton, paꞌpi co noyahuëꞌ yonquipi.