Lucas 4:4 - Chayahuita (Shahui)

⁴ —Inca co nohuantërahuëꞌ. Yosë quiricanënquë pënëninpoaꞌ: “Co cosharoriáchin piyapi ananpirinhuëꞌ. Yaꞌipi Yosë nanamën natëhuachin tëhuënchinsoꞌ nanpiarin,” tënin, itërin.

Lucas 4:4 ပူးပေါင်းရင်းမြစ်များ

Mateo 4:4

—Inca, co nohuantërahuëꞌ. Yosë quiricanënquë pënëninpoaꞌ. “Co cosharoriáchin piyapi ananpirinhuëꞌ. Yaꞌipi Yosë noninsoꞌ natëhuachin tëhuëchinsoꞌ, nanpiarin,” tënin, itërin.

Mateo 6:31

Ama maꞌsha yonquiatomaꞌ, paꞌyancosohuëꞌ. ‘¿Maꞌcha caꞌnëꞌpoya? ¿Maꞌcha oꞌorëꞌpoya? ¿Maꞌcha aꞌmorëꞌpoya?’ ama tocosohuëꞌ.

Lucas 22:35

Ina quëran yaꞌipi caꞌtanoꞌsanënpita itapon: —Iráca aꞌchinacamaso marëꞌ aꞌparanquëmaꞌ. Paꞌpatamara, coriqui, pëꞌpëto, sapatëꞌ, co inapita tërantaꞌ quëparamahuëꞌ. Topinan paꞌpatamara, ¿co mantaꞌ pahuantërinquëmahuëꞌ ti? itërin. —Co mantaꞌ pahuantërincoihuëꞌ. Noya paꞌnai, itopi.

Lucas 4:10

Quiricanënquë nani shaꞌhuitërinquën: “Yosë, anquëninënpita aꞌpatimarinquën, co maꞌsha onpoaranhuëꞌ.

Lucas 4:3

Tanahuachina, sopairi itërin: —Tëhuënchachin Yosë huiꞌninquën nipatan, iso naꞌpi cosharoꞌ atarantëquëꞌ, itopirinhuëꞌ.

Lucas 4:8

—Inca co nohuantërahuëꞌ. Yosë quiricanënquë shaꞌhuitërinpoaꞌ. “Sinioroíchin chinotëquëꞌ. Inasáchin natëcasoꞌ yaꞌhuërin. Inasoꞌ huaꞌanëntërinpoaꞌ,” tënin, itërin Quisosori.

Efesios 6:17

Sontaroꞌsaꞌ co casco huaꞌna quëran nininsoꞌ yancopihuëꞌ naporini, aꞌnaroáchin inimiconënpitari motën acochitonahuëꞌ. Inapochachin canpoantaꞌ co Yosë anoyacancantërinpoahuëꞌ naporini, co chaꞌëitërihuahuëꞌ. Yosë quiricanëntaꞌ yaꞌhuëtërinpoaꞌ. Ispirito Santo nohuanton, ninshitërinënpoaꞌ sopai minsëcaso marëꞌ. Napoaton nani tahuëri ina nontatomaꞌ, yonquicoꞌ. Sontaroꞌsari sahuëninëna quëran inimico minsëpi. Inapochachin canpoantaꞌ Yosë quiricanën quëran sopai minsëarihuaꞌ.

Deuteronomio 8:3

Ina nohuanton aꞌna tahuëri tana acorinquëmaꞌ. Napoaponahuëꞌ, ina piquëranso capamaso marëꞌ mana aꞌpatiimarinquëmaꞌ. Inanpi cosharoso co nohuitopiramahuëꞌ, quëtërinquëmaꞌ. Co shimashonëmapitari tëranta nohuitopihuëꞌ: ‘Co cosharoriáchin, piyapi ananpirinhuëꞌ. Yaꞌipi Yosë noninsoꞌ natëhuachin tëhuëchinsoꞌ, nanpiarin,’ taꞌcamaso marëꞌ inanpi cosharo quëtërinquëmaꞌ.