Lucas 4:22 - Chayahuita (Shahui)

²² Yaꞌipiya natantapi. “Maꞌpítacha nitotaton, naporin paya. Nóya aꞌchintërinpoaꞌ,” taꞌtonaꞌ: —¿Coꞌna isoꞌ Cosi huiꞌninhuëꞌ? topi.

Lucas 4:22 ပူးပေါင်းရင်းမြစ်များ

Isaías 50:4

Sinioro piyapinën naporin: “Canotërëso pochin cancantopisopita achinicancanacaso marëꞌ, Sinioro aꞌchintërinco. Nani tashiramiachin taꞌtato natantaꞌhuaso marëꞌ catahuarinco.

Lucas 2:47

Naꞌa piyapiꞌsaꞌ natanpi. “Ma noyacha yonquirin paya. Nóya aꞌpanitërin,” topi.

Lucas 2:48

Inaquë quënanahuatonaꞌ, aꞌshinsoꞌ paꞌyanin. —¿Onpoatontaꞌ huaꞌhua napotërancoi? Niꞌquëꞌ. Paꞌyanatoi, cara tahuëri yonisápirainquënhuëꞌ, ipora huarëꞌ quënanainquën huachi, itërin.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Lucas 4:21

—Tëhuënchachin iyaroꞌsaꞌ iráca Isaiasë ninorincoso chachin, Yosë aꞌpaimarinco nichaꞌëcaꞌhuanquëmaso marëꞌ, itërin Quisosori.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 6:42

—Coꞌta inasoꞌ Quisoso. Cosi huiꞌnin. Aꞌshiontaꞌ nohuitërëhuaꞌ. ¿Onpoatontaꞌ “Inápa quëran oꞌmarahuë,” toconin? nitopi.

Juan 7:46

—¡Co insontaꞌ ina pochin aꞌchinchininhuëꞌ! itopi.

Hechos 6:10

Istipanso nipirinhuëꞌ, Ispirito Santori catahuarin niꞌton, noꞌtë noꞌtëquën nonin. Co nanitopihuëꞌ aꞌpanicaisoꞌ.

Tito 2:8

Noyasáchin nonquëꞌ ama aꞌnapita nonapiinquënso marëhuëꞌ. Ina quëran noꞌhuipirinënquënhuëntaꞌ, tapanapi. Co mantaꞌ pinoinpoasoꞌ yaꞌhuaponhuëꞌ.