Lucas 4:21 - Chayahuita (Shahui)

²¹ —Tëhuënchachin iyaroꞌsaꞌ iráca Isaiasë ninorincoso chachin, Yosë aꞌpaimarinco nichaꞌëcaꞌhuanquëmaso marëꞌ, itërin Quisosori.

Lucas 4:21 ပူးပေါင်းရင်းမြစ်များ

Mateo 13:14

Iráca Isaiasëri ninoton, naporin: ‘Natanapomarahuëꞌ, co natëtaramahuëꞌ. Nicapomarahuëntaꞌ co tëhuënchachin quënanaramahuëꞌ.

Lucas 4:20

Quirica soꞌnanahuaton, niyontonpisoꞌ pëiquë catahuatonaꞌpi quëtaantarin. Ina quëran huënsëhuachina, yaꞌipi inaquë yaꞌhuëpisopitari niꞌsápi.

Lucas 4:22

Yaꞌipiya natantapi. “Maꞌpítacha nitotaton, naporin paya. Nóya aꞌchintërinpoaꞌ,” taꞌtonaꞌ: —¿Coꞌna isoꞌ Cosi huiꞌninhuëꞌ? topi.

Juan 5:39

Yosë quiricanën naꞌcon nontëramaꞌ. ‘Ina nontohuatëhuaꞌ, nanpimiatacaiso marëꞌ anitotarinpoaꞌ,’ tënamaꞌ. Napopiramahuëꞌ, co tëhuënchachin natëramahuëꞌ. Ina quiricaquë chachin ninorinaco.

Hechos 3:18

Iráca pënëntonaꞌpiroꞌsaꞌ ninotonaꞌ, ninshitopi. ‘Aꞌna tahuëri Cristo parisitapon,’ topi. Yosë nohuanton, ninopi. Ninopiso pochachin parisitërin.