Lucas 4:1 - Chayahuita (Shahui)

¹ Quisoso Cortani quëran pipirahuaton, huëantarin. Ispirito Santori noyá yaꞌcoancantërin. Inasáchin natërin. Naporoꞌ ina nohuanton, inotëro parti paꞌnin.

Lucas 4:1 ပူးပေါင်းရင်းမြစ်များ

1 Reyes 19:4

Ina quëran inasoꞌ, inotëro parti paaton, aꞌna tahuëriraꞌ iratërin. Napoin quëran nitama nara tashinantërinquë huënsëconin. Inaquë co napion cancantárin. Yachiminaton: “¡Co huachi Sinioro ahuantërahuëꞌ! ¡Cantaꞌ, shimashonëhuëpita pochachin naponahuë niꞌton, acopitochanco!” itërin.

Isaías 61:1

Sinioro piyapinën naporin: “Sinioro ispiritonën yaꞌcoancantërinco niꞌton, noya catahuarinco. Ina chachin acorinco popriyaroꞌsa noya nanan shaꞌhuitaꞌhuaso marëꞌ. Aparisitopisopita catahuacaꞌhuaso marëꞌ acorinco. Yaꞌhuëpi quëran quëparahuatona huaꞌanëntapirinahuëꞌ, yaꞌhuëpiquë chachin paantacaiso shaꞌhuitarahuë. Tashinan pëiquë pochin yaꞌhuëapisopitantaꞌ, ina quëran pipicaisoꞌ shaꞌhuitarahuë.

Ezequiel 3:14

Yosë ispiritonën otërahuatonco, ina quëran ocoirinco. Napotohuachincora, sëtërahuë, noꞌhuitërahuë, naporahuë. Sinioro chiníquën nanantaton quëpahuachincora naporahuë.

Mateo 3:16

Ina quëran nonshiaso chachin aꞌnaroáchin inápaquë piꞌiroꞌtëꞌ niꞌsoatërin, niꞌnin. Ispirito Santo nëpë pochin nohuaraimarahuaton, Quisoso yaꞌcoancantomiatërin.

Lucas 2:27

Naporoꞌ tahuëri Ispirito Santo nohuanton, Yosë chinotopiso pëiquë paꞌnin antaꞌ. Cosintaꞌ saꞌinë chachin inaquë nisapi. Pënëntopisoꞌ natëtonaꞌ, inaquë Quisosoaꞌhuaya quëpapi niꞌton, Simioni quënanconin.

Lucas 3:3

Napoaton yaꞌipi Cortaniiꞌ parti paꞌtaton, pënëntárin. —Co noyahuëꞌ yonquiramasopita naniantatomaꞌ, Yosë tahuërëtantacoꞌ oshanëmaꞌ inquichinquëmaꞌ. Ina quëran aporintaranquëmaꞌ, itëraꞌpiarin.

Lucas 3:38

Ina paꞌpintaꞌ Inosë itopi. Inosë paꞌpinsoꞌ Sito itopi. Ina paꞌpintaꞌ Atan itopi. Atansoꞌ Yosëri ninin.

Lucas 4:14

Ina quëran Cariria parti Quisoso paantarin. Ispirito Santori noyá yaꞌcoancantërin niꞌton, catahuarin nóya nicacasoꞌ. Yaꞌipi naporinsoꞌ nahuinin.

Lucas 4:18

“Sinioro ispiritonën yaꞌcoancantërinco niꞌton, noya catahuarinco. Naꞌa piyapiꞌsaꞌ co Yosë nohuitatonahuëꞌ, nosorotopi. Napoaton Yosë acorinco noya nanan aꞌchintaꞌhuaso marëꞌ. Sopairi minsëpirinhuëꞌ, ocoiarahuë noya yonquicaiso marëꞌ. Somaraya nininsopita anoyatarahuë. Parisitapisopita nichaꞌësarahuë.

Juan 1:32

Co Quisoso nohuichatërapohuëꞌ, Yosë shaꞌhuitërinco. ‘Aꞌna tahuëri Ispirito Santo nëpë pochin nohuaraimarahuaton, aꞌna quëmapi motoanshiranënquë chachin huanitimarin, niꞌsaran. Quëmasoꞌ iꞌquë aporintëran. Ina quëmapiso nipirinhuëꞌ Ispirito Santo ayaꞌcoancantarinquëmaꞌ,’ itërinco Yosë. Ispirito Santo inápa quëran oꞌmahuachina, niꞌnahuë. Nëpë pochin yaꞌnoton, Quisoso motoanshiranënquë chachin huanitiimarin.

Juan 3:34

Quisososoꞌ Yosë nanamën chachin nonin. Ispirito Santori noyá yaꞌcoancantërin niꞌton, noꞌtëquënáchin nonin.

Hechos 1:2

Yaꞌipi inápaquë panantaquë huarëꞌ naporinsoꞌ ninshitëranquën noꞌtëquën nitotamaso marëꞌ. Iporasoꞌ naquëranchin ninshitantaranquën. Coꞌhuara Quisoso inápaquë pantayátëraponhuëꞌ, caꞌtanoꞌsanënpita huayoninsoꞌ shaꞌhuitërin paatonaꞌ aꞌchinacaiso marëꞌ. Ispirito Santo nohuanton, shaꞌhuitërin. Inapita napopisontaꞌ nitochin, taꞌto, ninshitantaranquën.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 8:39

Nonshipirinahuëꞌ, aꞌnanaya Pinipi ayarin. Ispirito Santori quëparin niꞌton, huaꞌani co huachi quënaninhuëꞌ. Co quënanaponahuëꞌ, noya cancantaton, paꞌnin.