Lucas 3:9 - Chayahuita (Shahui)

⁹ Nani Yosë yonquirin oshahuanoꞌsaꞌ anaꞌintacasoꞌ. Niꞌcoꞌ. Nararoꞌsaꞌ co noya nitohuachinahuëꞌ, nicosotërëꞌ. Nicosotahuatëꞌ, pënquë tëꞌyatërëꞌ huiquitacaso marëꞌ. Inapochachin canpitantaꞌ co noyahuëꞌ nipatamaꞌ, chiníquën anaꞌintarinquëmaꞌ, tënin.

Lucas 3:9 ပူးပေါင်းရင်းမြစ်များ

Daniel 4:23

Ina quëran aꞌnara aꞌpaito anquëni inápa quëran oꞌmarahuaton: ‘Panca nara nininsoꞌ aꞌnërahuatomaꞌ, ataꞌhuantocoꞌ. Napoaponahuëꞌ, motën, itën, inapitasoꞌ, inaquëranchin quëparichin. Huaꞌnamia, shaꞌpi huaꞌna, inaquëranpita catinaroꞌsa nipiquë catinaquëchinaꞌ. Pacatororoꞌsa huáncana huëshiinaꞌ. Poroncayorintaꞌ, shipichin. Maꞌsharoꞌsa pochin pasto canchisë piꞌipi caꞌin,’ tënin.

Mateo 3:10

Nani Yosë yonquirin oshahuanoꞌsaꞌ anaꞌintacasoꞌ. Niꞌcoꞌ. Nararoꞌsaꞌ co noya nitohuachinahuëꞌ, aꞌnërëꞌ. Itëquënpitarë chachin ocoirahuatëꞌ, pënquë tëꞌyatërëꞌ huiquitacaso marëꞌ.

Mateo 7:19

Co noya nitohuachinhuëꞌ, aꞌnëhuachinara pënquë ahuiquitopi huachi.

Lucas 13:6

Ina quëran iso pënënto nanan shaꞌhuitërin: “Aꞌna quëmapi iminënquë iquira narantaꞌ shaꞌnin. Papotahuaton aꞌshinaponahuëꞌ, huaꞌquiꞌ co nitërinhuëꞌ.

Lucas 13:7

Ina quëran inpriatonën itërin: ‘Iso huayo napoonin. Nani aꞌshinaponahuëꞌ, cara piꞌipi co mantaꞌ nitërinhuëꞌ. Aꞌnëquëꞌ. ¿Maꞌmarëtaꞌ topinan huanirin?’ itopirinhuëꞌ,

Lucas 13:9

Iso piꞌipi nitapon nimara. Co nitohuachinhuëꞌ, shaꞌhuitoco aꞌnëchinquën,’ itërin inpriatonëni,” tënin Quisoso.

Juan 15:6

Nara sëꞌpaꞌ nohuishatohuachina, ahuirin. Masahuatonaꞌ, pënquë tëꞌyatopi ahuiquitacaiso marëꞌ. Inapochachin co imamiatohuatamacohuëꞌ, Yosë anaꞌintarinquëmaꞌ.

Hebreos 10:28

Iráca Moisësë pënëntohuachina, aꞌnaquën co yaimapihuëꞌ. Aꞌpopi. Aꞌpohuachinara, anaꞌintopi. Coisëquë quëparahuatonaꞌ, shaꞌhuirapipi. Catoyaꞌpihuë nipon, carayaꞌpihuë nipon inachachin shaꞌhuirapihuachinara, co nosoropihuëꞌ. “Tëpaquëꞌ,” itopi.