Lucas 3:21 - Chayahuita (Shahui)

²¹ Coꞌhuara apoꞌmochatërasohuëꞌ, Coanshari piyapiꞌsaꞌ aporintahuachina, Quisosontaꞌ huëꞌnin aporihuanacaso marëꞌ. Nani aporihuanahuaton, Yosë nontërin. Nontasoꞌ, piꞌiroꞌtëꞌ niꞌsoatërin.

Lucas 3:21 ပူးပေါင်းရင်းမြစ်များ

Ezequiel 1:1

Caso Isiquiro corto huaꞌanco. Tatahuësoꞌ, Posi itopi. Papironiaꞌpaꞌ cantaꞌ, quëparinaco. Aꞌna tahuëri aꞌnapita quëpapisopitarëꞌco chachin Quiparoiꞌ itopisoꞌ yonsanꞌpaꞌ nisarai. Inaquë nicasoco aꞌnanaya huaꞌnarëso pochin piꞌiroꞌtë niiꞌsohuatohuachina, Yosë yaꞌnorin niꞌnahuë. Coaquin copirno quëpi quëran huarëꞌ nani aꞌnatërápo piꞌipi, catapini yoqui nisarin. Naporahuaton nani cara shonca piꞌipitarin Napocotono copirno yaꞌconinsoꞌ. Naporoꞌ Siniorosoꞌ chiníquën nanantaton, aꞌnotërincosopita nicaꞌhuaso marëꞌ catahuarinco.

Mateo 14:23

Nani nontohuachina, panënquë inaora paꞌnin Yosë nontacaso marëꞌ. Inaquë Yosë nontasoꞌ, tashitërin.

Lucas 5:16

Quisososo nipirinhuëꞌ, apira apira piyapiꞌsaꞌ patërin. Co piyapi yaꞌhuërinquëhuëꞌ paꞌnin Yosë nontacaso marëꞌ.

Lucas 9:18

Aꞌna tahuëri Quisoso inaora paꞌnin Yosë nontacaso marëꞌ. Caꞌtanoꞌsanënpitaráchin inaquë yaꞌhuëpi. Nani Yosë nontohuachina, Quisosori itërin: —Nani maꞌsha nanitaparahuë niꞌto, ¿in pochintaꞌ piyapiꞌsaꞌ cancantiarinaco? itërin.

Juan 1:51

Ina quëran itaantarin: —Noꞌtëquën itëranquëmaꞌ. Iráca Cacopo nanpisoꞌ, piꞌiroꞌtëꞌ niꞌsoarin. Niꞌsoatohuachina, anquëniroꞌsari huëcapaimapi. Huëcapaimarahuatonaꞌ, panantarapi. Inapochachin iporasoꞌ Yosë quëran quëmapico niꞌto, oꞌmarahuë Yosë anohuitaꞌhuanquëmaso marëꞌ. Yaꞌipi ninahuësoꞌ niꞌsaramaꞌ, itërin Quisosori.