Lucas 3:1 - Chayahuita (Shahui)

¹ Naporo tahuëriꞌsaꞌ Tipirio itopisoꞌ, Noma copirno yaꞌconin. Nani shonca aꞌnatërápo piꞌipi huaꞌanëntarin. Ponsio Piratontaꞌ Cotia parti huaꞌanëntarin. Irotisësoꞌ, Cariria parti huaꞌanëntarin. Iin Pinipi itopisontaꞌ, Itoria parti, Traconiti parti, inapita parti huaꞌanëntarin. Nisaniasësoꞌ nipirinhuëꞌ, Apirinia parti huaꞌanëntarin.

Lucas 3:1 ပူးပေါင်းရင်းမြစ်များ

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

Mateo 14:1

Yaꞌipi Quisoso naporinsoꞌ nahuinin. Cariria huaꞌan Irotisë itopisontaꞌ natantërin.

Mateo 14:3

Iꞌhua chachin Coansha nanpisoꞌ, Irotisë co noyahuëꞌ ninin. Iin saꞌin osërëtaton, manin. Pinipi saꞌin chachin osërëtërin, Irotiasa itopisoꞌ. Napoaton Coansha Paotistari chiníquën pënënin. “Yosë co nohuantërinhuëꞌ iyaparin saꞌin osërëtaton macamasoꞌ,” itërin. Napotohuachina, chiníquën noꞌhuitaton, sontaroꞌsaꞌ camairin macacaiso marëꞌ. Masahuatonaꞌ, tashinan pëiquë poꞌmopi.

Mateo 14:6

Ina quëran huaꞌhuatërinsoꞌ tahuëri nanihuachina, pita ninin. Naꞌa piyapiꞌsaꞌ amatërin. Naporoꞌ Irotiasa huaꞌhuin yaꞌconahuaton, yaꞌipi piyapiꞌsaꞌ niꞌtërantapaquë nansararin. Nanon nansarinsoꞌ niꞌsahuaton, huaꞌani paꞌyatërin:

Mateo 22:17

Napoaton yanatanainquën. Noma copirnosoꞌ nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Nani piꞌipi coriqui maꞌpainpoaso marëꞌ comisionënpita aꞌparin. Huëꞌpachina, ¿noya ipora quëtacasoꞌ, ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Mateo 27:2

Ina quëran noyá tonporahuatonaꞌ, Pirato yaꞌhuërinquë quëpapi. Inasoꞌ huaꞌan, Noma copirnori acorinsoꞌ.

Marcos 6:17

Iꞌhua chachin Coansha nanpisoꞌ, Irotisë co noyahuëꞌ ninin. Iin saꞌin osërëtërin. Pinipi saꞌin chachin osërëtaton, manin, Irotiasa itopisoꞌ. Napoaton Coanshari chiníquën pënënin. “Co Yosë nohuantërinhuëꞌ iyaparin saꞌin osërëtaton macamasoꞌ,” itërin. Napotërinso marëꞌ Irotiasasoꞌ co quëyatonhuëꞌ, onpopionta yatëparin. Ina nohuanton huaꞌansoꞌ, sontaroꞌsa aꞌparin. Coansha macacaiso marëꞌ. Masahuatona tashinan pëiquë poꞌmopi. Inapotahuatona, catinaquëtopi.

Marcos 6:21

Ina quëran huaꞌhuatërinsoꞌ tahuëri nanihuachina, pita ninin. Naꞌa piyapiꞌsaꞌ amatërin. Coisëroꞌsaꞌ, capitanoꞌsaꞌ, maꞌhuanoꞌsaꞌ Caririaquë yaꞌhuëpisopita, inapita amatërin. Naporoꞌ tahuëri Irotiasa chinotërin Coansha atëpatacasoꞌ.

Lucas 13:31

Naporoꞌ aꞌnaquën parisioroꞌsaꞌ Quisosoquë huëꞌpi. —Aꞌnaroáchin taꞌaquëꞌ. Irotisë yatëparinquën, itiipi.

Lucas 2:1

Naporoꞌ tahuëriꞌsaꞌ Noma copirno nanan aꞌparin, Aocosto itopisoꞌ. Yaꞌipi parti aꞌparin. “Yaꞌipinquëmaꞌ pacoꞌ. Quiricaquë nininëmaꞌ niacotocoꞌ,” tënin.

Lucas 23:24

Napotahuaton, sontaroꞌsaꞌ shaꞌhuitërin corosëquë patanantacaiso marëꞌ.

Lucas 3:19

Irotisëntaꞌ huaꞌan nipirinhuëꞌ pënënin. “Quëmasoꞌ paꞌpi co noyahuëꞌ ninan. Naporahuaton, iyaparin saꞌin osërëtaton, manan. Pinipi saꞌin chachin manan. Irotiasa itopisoꞌ. Ina marëꞌ oshahuanan,” itërin.

Lucas 9:7

Napopisoꞌ yaꞌipi parti nahuinin. Cariria huaꞌan Irotisë itopisontaꞌ natantërin. Natantahuaton, nisha nisha yonquirin. “¿Intaꞌ Quisososoꞌ?” itohuachinara, “Coansha Paotista nanpiantarinsoꞌ nimara,” topi aꞌnaquën.

Hechos 23:26

“Sinioro huaꞌan Huirisë. ¿Noyanquën quëmantaꞌ? Ca Craotio Nisiasëco ninshitaranquën, niꞌquëꞌ. Quëmasoꞌ chiníquën nanantëran niꞌton, piꞌpian shaꞌhuichinquën.

Hechos 24:27

Catoꞌ piꞌipi nanihuachina, nisha huaꞌan yaꞌcoantarin, Porsio Pisto itopisoꞌ. Huirisësoꞌ pipirin huachi. Pipiponahuëꞌ, co Paono ocoirinhuëꞌ. “Cotioroꞌsaꞌ noꞌhuihuachinaco,” taꞌton, co ocoirinhuëꞌ.

Hechos 26:30

Ina natanahuaton, huaꞌan huanirin. Pisto, Pirinisa, yaꞌipi inaquë huënsëpisopitarë chachin huanipi.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.