Lucas 24:52 - Chayahuita (Shahui)

⁵² Ina niꞌsahuatonaꞌ, Quisoso chinotopi. Noya cancantatonaꞌ, Quirosarinquë ayamantapi.

Lucas 24:52 ပူးပေါင်းရင်းမြစ်များ

Mateo 28:17

Inaquë Quisoso quënanconahuatonaꞌ, chinotopi. Aꞌnaquënso nipirinhuëꞌ piꞌpian co natërinhuëꞌ. “Co inahuëꞌ nimara,” topirinahuëꞌ.

Mateo 28:9

Paꞌsapirinahuëꞌ, aꞌnanaya iraquë chachin Quisosori yaꞌnotërin. —Huëꞌcama imoyaroꞌsaꞌ, itërin. Ina nohuitatonaꞌ, yaꞌcarionpi. Monshorahuatonaꞌ, nantën iporantërahuatonaꞌ, chinotopi.

Lucas 24:51

Nonin quëran chachin inápaquë panantarin.

Lucas 24:53

Nani tahuëri Yosë chinotopiso pëiquë paꞌpi. “Ma noyacha Yosëso paya,” tosápi. Nani huachi.

Juan 14:28

Nani shaꞌhuitëranquëmaꞌ. Inápaquë pantaporahuëꞌ, yaꞌcoancantimaranquëmaꞌ. Tëhuënchachin nosororamaco naporini, Tatahuëtaquë panantarahuëso marëꞌ noya cancanchitomahuëꞌ. Inasoꞌ chini chiníquën nanantërin.

Juan 16:22

Inapochachin canpitantaꞌ ipora sëtapiramahuëꞌ, naquëranchin quënaantaranquëmaꞌ. Naporoꞌ nóya cancantaramaꞌ. Co huachi insontaꞌ nanitarinhuëꞌ asëtainëmasoꞌ. Nóya cancantomiataramaꞌ.

Juan 16:7

Noꞌtëquën itëranquëmaꞌ. Canpita marëꞌ paantaꞌhuasoꞌ noya, tënahuë. Co paantahuatohuëꞌ, Ispirito Santo co oꞌmarinhuëꞌ catahuainquëmaso marëꞌ. Nipirinhuëꞌ, paantahuato, ina aꞌpatimaranquëmaꞌ.

Juan 20:28

—¡Quëma mini Sinioronëhuënquën! Natëranquën. Yosënëhuënquën niꞌton, chinotaranquën, itërin Tomasëri.

Hechos 1:12

Ina natanahuatonaꞌ, Oriposë panën quëran nohuaramarahuatonaꞌ, Quirosarinquë paantapi. Co aquëyahuëꞌ. Aꞌna quiromitro pochin aquërinsoꞌ.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.