Lucas 24:50 - Chayahuita (Shahui)

⁵⁰ Ina quëran aꞌna tahuëri ninano quëran quëparin. Pitaniaquë huarëꞌ canconpachinara, anquirahuaton, Yosë nontërin. “Isopita Tata noya aꞌpaiton, catahuaquëꞌ,” itërin.

Lucas 24:50 ပူးပေါင်းရင်းမြစ်များ

Génesis 27:4

Nani tëpahuatan, costarincoso chachin poꞌmorahuaton, quëshico caꞌi. Ina quëran noya yaꞌhuëcamaso marëꞌ shaꞌhuitaranquën huachi. Coꞌhuara chiminyátërasocohuëꞌ, inapochinquën, itërin.

Génesis 48:9

—Isopita mini huiꞌnahuëpita. Yosë nohuanton naroꞌpaꞌ yaꞌhuëtërincosoꞌ, itërin Cosiri. —Amashachin ayaꞌcarico. Noya yaꞌhuëcaiso marëꞌ shaꞌhuichi, itaantarin Cacopori.

Génesis 49:28

Ina pochin Cacopo shonca cato huiꞌninpita noya yaꞌhuëcaiso marëꞌ shaꞌhuitërin. Inapita quëran shonca cato Israiro huëntonoꞌsa pipipi.

Mateo 21:17

Ina tosahuaton, Pitaniaquë paꞌnin. Inaquë huëꞌëpatërin.

Marcos 10:16

Ina quëran huaꞌhuaroꞌsaꞌ iporin. Sëꞌhuamotorahuaton, inapita marëꞌ Yosë nontërin noya yaꞌhuëcaiso marëꞌ.

Marcos 11:1

Quirosarinquë yaꞌcaritohuachinara, Pitipaquiꞌpaꞌ canconpi. Ina yaꞌcariya Pitania yaꞌhuërin antaꞌ. Oriposë panënquë canconahuaton, catoꞌ caꞌtanoꞌsanën shaꞌhuitahuaton, aꞌparin.

Lucas 24:51

Nonin quëran chachin inápaquë panantarin.

Hechos 1:12

Ina natanahuatonaꞌ, Oriposë panën quëran nohuaramarahuatonaꞌ, Quirosarinquë paantapi. Co aquëyahuëꞌ. Aꞌna quiromitro pochin aquërinsoꞌ.

Hechos 1:9

Ina topachina, Yosëri inápaquë quëpantarin. Caꞌtanoꞌsanënpitari nicasoiꞌ, inápaquë pantarin. Nëꞌpërápirinahuëꞌ, chitorori imotërin. Co huachi quënanpihuëꞌ.

1 Timoteo 2:8

Napoaton nani parti niyontonpachinaꞌ, quëmapiꞌsaꞌ Yosë nonchinaꞌ, tënahuë. Ama noꞌhuichinasohuëꞌ. Ama nisha nisha ninonchinasohuëꞌ. Noyápiachin cancantatonaꞌ, Yosë nonchinaꞌ.