Lucas 24:27 - Chayahuita (Shahui)

²⁷ Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Lucas 24:27 ပူးပေါင်းရင်းမြစ်များ

Génesis 12:3

Inpitasona noya nicatënën catahuahuachinën, carinta inapita inapotarahuë. Inpitasona co huachi noya yaꞌhuëcamaso marëhuëꞌ shaꞌhuitohuachinën, carinta inapita napotarahuë. Quëmá quëran, yaꞌipi piyapiꞌsa nisha nisha nipisopita catahuararahuë,” itërin.

Génesis 22:18

Quëma natëranco niꞌton, yaꞌipi isoroꞌpaquë nacionoꞌsa yaꞌhuërinsopita, shiparinpita quëran catahuararahuë,” itërin.

Génesis 26:4

Ca nohuanto quëma shiparinpita, naꞌamiataponaꞌ. Tayoraroꞌsa piꞌiroꞌtëquë yaꞌhuërinso nápo, yaꞌhuaponaꞌ. Inapitari yaꞌipi iso noꞌparoꞌsa huaꞌanëntaponaꞌ. Naporahuaton, yaꞌipi isoroꞌpaquë nacionoꞌsa yaꞌhuërinsopitantaꞌ, shiparinpita quëran catahuararahuë.

Génesis 3:15

Ca nohuanto sanapi inimicotarinquën. Quëmarinta ina inimicotaran. Quëmá quëran pipipisopitantaꞌ, sanapi quëran pipipisopitarëꞌ niinimicotaponaꞌ. Aꞌna tahuëri sanapi quëran pipirinsoari minsëmiatarinquën. Napoaponahuëꞌ, quëmarinta chiníquën ina aparisitaran, itërin.

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

Isaías 1:23

Huaꞌanoꞌsanëma quëran huarëꞌ co natantochináchinhuëꞌ cancantopi. Ihuatëroꞌsarëꞌ nipayapi. Pahuërëhuachinara, co huachi noꞌtëquën anaꞌintopihuëꞌ. Maꞌsha topinan quëtápaisoꞌ nohuantoonpi. Saꞌahuaroꞌsaꞌ, quëyoronoꞌsaꞌ, inapita maꞌsha onpotohuachinara, co paꞌpoyapihuëꞌ.

Isaías 50:6

Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Isaías 8:17

Cacopo quëran pipipisopita, Siniorori co huachi yacatahuarinhuëꞌ. Cariso napoaporahuëꞌ, inasáchin ninarahuë: ‘Catahuarinco mini,’ tënahuë.

Isaías 9:1

Napoaponahuëꞌ parisitopisopitasoꞌ, co inachachin parisitáponahuëꞌ,” itërahuë. Cariria parti yaꞌhuëpisopitaꞌton Yosëri anaꞌintërin. Inapotaton atapanin. Inaquë saporonoroꞌsaꞌ, nipitariroꞌsaꞌ, inapita yaꞌhuëpi. Inapitasoꞌ inpioroꞌsarë niyaꞌyoranpi. Inapita noꞌpanënasoꞌ, Cortaniiꞌ quëran piꞌi yaꞌconinso parti huaꞌanëntopi. Inataquëchin tëquën ira marëꞌpaꞌ paꞌninso yaꞌhuërin. Inapitaso Yosëri anaꞌintaton atapanpirinhuëꞌ, aꞌna tahuëri noya nicaton catahuaantapon.

Ezequiel 34:23

Ca nohuanto piyapinëhuë Tapi itërahuësoꞌ, huënantapon. Inaíchin yaꞌipi ohuicanëhuëpita noya aꞌpaiapon.

Ezequiel 37:25

Piyapinëhuë iráca Cacopo itërahuësoꞌ, noꞌpaꞌ quëtërahuëquë yaꞌhuëaponaꞌ. Inaquë chachin shimashonënpitanta yaꞌhuëpi. Inaquë chachin canpitantaꞌ, yaꞌhuëapomaꞌ. Huiꞌnamaꞌ, shiparimaꞌ, inapitanta inaquë chachin yaꞌhuaponaꞌ. Co onporonta pipiaramahuëꞌ. Piyapinëhuë Tapi itërahuësoari huaꞌanëma nisarin. Co aꞌnari yaꞌhuërëtaponhuëꞌ.

Daniel 7:13

Huëꞌëhuëquë inapita nicasoco, aꞌnanaya, aꞌnara quëmapi chitoro huáncana oꞌmararin. Oꞌmarahuaton Ansiano huënsëarinso yaꞌcariꞌ, paꞌnin. Ina quëran ayaꞌcaritopi huachi.

Miqueas 7:20

Shimashonëhuëpita Apraan, Cacopo, inapita shaꞌhuitëran: ‘Shiparimapita nosoromiatato, co aꞌpoarahuëꞌ,’ itëran iráca. ¡Napotëranso chachin nicaton, nosorocoi!” itërahuë.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Malaquías 4:2

Noya nicatomaco natëramacosopitaso nipirinhuëꞌ, noya coisë pochin ninahuësoꞌ, niꞌsaramaꞌ. Piꞌi aꞌpinpachina aꞌninquëchin maꞌsha quënanëso pochin niꞌsaramaꞌ. Naporoꞌ canpitaso nichaꞌësaranquëma niꞌton, capa cancantaramaꞌ. Ohuacaꞌhuaroꞌsa oncorapipi quëran iꞌsohuatohuachinara, niirëꞌnachin taꞌapiso pochin cancantaramaꞌ.

Marcos 4:34

Napoaponahuëꞌ, pënënto nanan quëransáchin aꞌchintërin. Ina quëran caꞌtanoꞌsanënpitaráchin yaꞌhuëhuachinara, oshaquëran aꞌchintantarin noꞌtëquën yonquicaiso marëꞌ.

Lucas 24:25

—Canpitasoꞌ co yonquiramahuëꞌ. Iráca quëran huarëꞌ pënëntonaꞌpiroꞌsaꞌ ninopirinahuëꞌ, co yanatëramahuëꞌ.

Lucas 24:44

—Nani iꞌhua chachin iyaroꞌsaꞌ shaꞌhuitëranquëmaꞌ. Yosë quiricanënquë naꞌcon ninorinaco. Moisësë, pënëntonaꞌpiroꞌsaꞌ, inapita ninorinaco. Sarmoquëntaꞌ ninshitopi. Yaꞌipi iráca ninorinacosopita nanicasoꞌ yaꞌhuërin niꞌton, iso tahuëriꞌsaꞌ ina pochin ninahuë, itërin.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 12:41

Iráca coꞌhuara Quisoso isoroꞌpaquë huëꞌshamátërasohuëꞌ, Isaiasëri huaꞌnarëso pochin quënanin. Quisososoꞌ Yosë pochachin nóya niꞌton, ina yonquiaton, naporin.

Juan 5:37

Tatahuë aꞌpaimarincosontaꞌ nani shaꞌhuitërinquëmaꞌ. Co onporontaꞌ noninsoꞌ natanchinamahuëꞌ. Co niꞌchinamahuëꞌ.

Juan 5:39

Yosë quiricanën naꞌcon nontëramaꞌ. ‘Ina nontohuatëhuaꞌ, nanpimiatacaiso marëꞌ anitotarinpoaꞌ,’ tënamaꞌ. Napopiramahuëꞌ, co tëhuënchachin natëramahuëꞌ. Ina quiricaquë chachin ninorinaco.

Hechos 10:43

Iráca quëran huarëꞌ pënëntonaꞌpiroꞌsaꞌ Quisoso ninotonaꞌ, shaꞌhuitërinënpoaꞌ ina natëcaso marëꞌ. Cancanënpoa quëran huarëꞌ ina natëcasoꞌ yaꞌhuërin. Oshanënpoa marëꞌ chiminin niꞌton, imapatëhuaꞌ, yaꞌipi oshanënpoaꞌ inquitarinpoaꞌ. “Ca oshanëhuë marëꞌ mini Quisocristo chiminin,” topatëhuaꞌ, inquitarinpoaꞌ, itërin Pitrori.

Hechos 3:18

Iráca pënëntonaꞌpiroꞌsaꞌ ninotonaꞌ, ninshitopi. ‘Aꞌna tahuëri Cristo parisitapon,’ topi. Yosë nohuanton, ninopi. Ninopiso pochachin parisitërin.

Hechos 3:22

Iráca Moisësëri ninoton, shimashonënpoapita shaꞌhuitërin: ‘Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inasoꞌ Israiro quëmapi. Pënënpachinquëmaꞌ, yaꞌipi natëcoꞌ.

Hechos 3:24

Yaꞌipi pënëntonaꞌpiroꞌsaꞌ iso tahuëriꞌsaꞌ ninopi. Samoiro quëran huarëꞌ napopi.

Hechos 7:37

Moisësëri chachin inapita itërin: “Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inantaꞌ Israiro quëmapi nisarin,” tënin.

Hechos 8:35

“Quisoso ninoton, Isaiasë ninshitërin,” itahuaton, ina quirica chachin nontaton, yaꞌipi Quisoso nanamën aꞌchintërin.

Deuteronomio 18:15

Canpitaso nishataramaꞌ. Sinioro chachin aꞌnara Israiro quëmapi acoarin pënëntacaso marëꞌ. Naporahuaton, maꞌsona aꞌna tahuëri onpocasoꞌ shaꞌhuicaso marëꞌ acoarin. Cá pochachin nisarin. Ina huachi canpita shiparimapita natëcaiso yaꞌhuërin.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.