Lucas 24:21 - Chayahuita (Shahui)

²¹ Ina taꞌmaꞌ israiroꞌsacoi nichaꞌësarincoi, topiraihuëꞌ. Nani chiminin. Nani cara tahuëritërin.

Lucas 24:21 ပူးပေါင်းရင်းမြစ်များ

Salmos 130:8

Canpoasoꞌ ina piyapinënpoa niꞌton, yaꞌipi co noyahuëꞌ ninëhuasopita, inquitarinpoaꞌ.

Lucas 1:68

“¡Ma noyacha Tata Yosësoꞌ huaꞌanëntërinpoa paya! Piyapinënpitanpoaꞌ yonquiatonpoaꞌ, nichaꞌësarinpoaꞌ.

Lucas 2:38

Naporoꞌ inantaꞌ huëcaton, Quisosoaꞌhuaya niꞌnin. Noya cancantaton, Yosë nontërin. —Iso huaꞌhuasha nasitërinso marëꞌ: “Yosparinquën Sinioro,” itëranquën, tënin. Ina quëran Yosë imapisopita shaꞌhuitërin. —Yosë nohuanton, aꞌpaimarinsoꞌ nani nasitërin. Inasoꞌ nichaꞌësarinpoaꞌ, itërin. Naꞌa Quirosarinquë yaꞌhuëpisopita ina ninarapi niꞌton, napotërin.

Hechos 1:6

Ina quëran niyontoantarahuatonaꞌ, Quisoso natanpi: —Iráca Sinioro israiroꞌsaꞌ pancana huaꞌanëntopirinahuëꞌ. ¿Ipora chachin chiníquën nanantaton, ina pochin acoantaran ti? itopi.

Hechos 7:28

Iꞌhuara Iquipito quëmapi tëparan. ¿Inapochachin cantaꞌ yatëparanco ti?” itërin.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.