Lucas 24:19 - Chayahuita (Shahui)

¹⁹ —¿Maꞌtaꞌ onpopisoꞌ? itaantarin Quisosori. Napotohuachina: —Coꞌta Quisoso Nasaritoquë yaꞌhuërinsoꞌ tëpapi. Nóya quëmapi nipirinhuëꞌ, tëpapi. Ma noya Yosë nanamën aꞌchintërincoi. Caniaꞌpiroꞌsaꞌ nosoroaton, aꞌnaroáchin anoyatërin. Yosëri nóya niꞌnin. Piyapiꞌsarintaꞌ noya niꞌpirinahuëꞌ.

Lucas 24:19 ပူးပေါင်းရင်းမြစ်များ

Mateo 21:11

—Coꞌta Quisoso, Cariria parti yaꞌhuërinsoꞌ. Nasarito quëran huëcaton, naꞌcon pënëntërin, itopi.

Marcos 1:24

—¡Tananpitocoi! Quëmasoꞌ Quisosonquën, Nasaritoquë yaꞌhuëran. Nohuitërainquën. Yosë quëran oꞌmaton noya ninan. ¿Maꞌtaꞌ quëma onpotaponcoi? ¿Ataꞌhuantaponcoi ti? itërin.

Lucas 24:18

—Yaꞌipi Quirosarinquë yaꞌhuëpisopita nani nitotopirinahuëꞌ, quëmasáchin iso tahuëriꞌsaꞌ napopisoꞌ ¿co nitotomaranquënhuëꞌ ti? itërin Criopasëri.

Lucas 7:16

Ina nicatonaꞌ, yaꞌipi piyapiꞌsaꞌ paꞌyanpi. —¡Ma noyacha Tata Yosëso paya! Ma noya quëmapi aꞌpatimarinpoaꞌ pënëinpoaso marëꞌ. Nani maꞌsha nanitaparin, topi. Ina quëran taantapi: —Yosë co naniantërinpoahuëꞌ. Catahuarinpoa huachi, topi.

Juan 4:19

—Quëmasoꞌ sinioro ninotonaꞌpinquën, tënahuë.

Juan 6:14

Ina nápo piyapiꞌsaꞌ capacaiso marëꞌ cosharoꞌ anaꞌatërinsoꞌ niꞌsahuatonaꞌ, piyapiꞌsaꞌ ninontopi: —Tëhuënchachin iso quëmapi Yosëri aꞌpaimarin. Pënëinpoaso marëꞌ aꞌpaimacaso shaꞌhuirinso chachin, nani oꞌmarin, nitopi.

Juan 7:52

—¿Quëmantaꞌ Cariria parti quëran huëꞌnan? Yosë quiricanën nontëquëꞌ. Pënëntonaꞌpi co onporontaꞌ Cariria quëran huëcaponhuëꞌ, itopi. [

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 2:22

Natanco iyaroꞌsaꞌ. Canpitantaꞌ israiroꞌsanquëmaꞌ niꞌton, Yosë nanamën anitotarinquëmaꞌ. Quisoso naporinsoꞌ shaꞌhuichinquëmaꞌ, nitotocoꞌ. Inasoꞌ Nasaritoquë yaꞌhuërin. Nani maꞌsha nanitaparin. Piyapi aꞌnaroáchin anoyatërin. Co ina pochin niꞌchinëhuahuëꞌ. Yosëri catahuarin niꞌton, naporin. Napoaton: ‘Tëhuënchachin Yosë quëran oꞌmarin,’ topi. Canpitantaꞌ nicatomaꞌ, nitotëramaꞌ.

Hechos 7:22

Iquipito maistroꞌsari noya aꞌchintopi. Yaꞌipi nitotopisoꞌ aꞌchintopi. Napoaton noya noya nonin. Nani maꞌsha nicacasoꞌ nitotërin.

Deuteronomio 18:15

Canpitaso nishataramaꞌ. Sinioro chachin aꞌnara Israiro quëmapi acoarin pënëntacaso marëꞌ. Naporahuaton, maꞌsona aꞌna tahuëri onpocasoꞌ shaꞌhuicaso marëꞌ acoarin. Cá pochachin nisarin. Ina huachi canpita shiparimapita natëcaiso yaꞌhuërin.