Lucas 24:11 - Chayahuita (Shahui)

¹¹ “Inahuara yonquinëna quëran napoapi,” toconpi.

Lucas 24:11 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

2 Reyes 7:2

Napohuachina, copirno catahuarinso huaꞌani, Irisio aꞌpaniton itapon: —Sinioro inápaquë huintanaroꞌsa iꞌsoatopirinhuë tërantaꞌ, co naporanso chachin nisarinhuëꞌ, itërin. Napopirinhuëꞌ, Irisiori shaꞌhuitërin: “Quëmanta mini niꞌsaran. Napoaponahuëꞌ, co ina caꞌsaranhuëꞌ,” itërin.

Salmos 126:1

Nisharoꞌsa yaꞌhuëpiquë parisitápirëhuahuëꞌ, Sinioro nohuanton yaꞌhuërëhuaquë chachin yaꞌhuëantarëhua huachi. Inaporëhuasoꞌ, huaꞌnarëso pochin cancantopirëhuahuëꞌ, noꞌtëquën niꞌton, capa cancantatëhua huinarëhuaꞌ. Naporahuatëhuaꞌ, nonca noncáchararëhuaꞌ. Nisha nisha piyapiroꞌsantaꞌ: “¡Ma noyacha Siniorori catahuarin paya!” topi.

Marcos 16:11

“¡Quisoso nani nanpiantarin! Cari niꞌnahuë,” itopirinhuëꞌ, co natëpihuëꞌ.

Marcos 16:13

Nani nohuitahuatonaꞌ, caꞌtanoꞌsanënpita shaꞌhuitoantapirinahuëꞌ, co inapita tërantaꞌ natëpihuëꞌ.

Marcos 16:14

Ina quëran shonca aꞌnara caꞌtanoꞌsanënpita misaquë coshatasoiꞌ, Quisosori yaꞌnotiirin. “¿Onpoatomataꞌ, iyaroꞌsaꞌ, co natëtëramahuëꞌ? Co natantochináchinhuëꞌ cancantërama nica. ‘Quisoso nani nanpiantarin. Cari niꞌnahuë,’ itopirinënquëmahuëꞌ, co natëtëramahuëꞌ,” itërin.

Lucas 24:25

—Canpitasoꞌ co yonquiramahuëꞌ. Iráca quëran huarëꞌ pënëntonaꞌpiroꞌsaꞌ ninopirinahuëꞌ, co yanatëramahuëꞌ.

Lucas 24:41

Ina niꞌsahuatonaꞌ paꞌpi paꞌyataponaraihuëꞌ, co yaꞌipi cancanëna quëran natëyátërapihuëꞌ. “¿Tëhuënchachin nanpiantarin ti?” topi yonquiatonaꞌ. —¿Yaꞌhuarin capacasoꞌ? itërin Quisosori.

Hechos 12:9

Ina quëran pipihuachina, Pitrori imarin. “Coꞌtaꞌmaꞌ anquëni ocoiarincohuëꞌ. Topinan huaꞌnarëso pochin niꞌsamarahuë,” topirinhuëꞌ.