49 Imarinsopitasoꞌ nipirinhuëꞌ, aquë quëran notëërapi. Sanapiꞌsantaꞌ Cariria parti quëran imaquitonaꞌ, inaquë niꞌsápi.
Quëmopinëhuëpita, amiconëhuëpita, inapitanta Yosë poꞌtërinco niꞌton, taꞌananpirinaco. Nisha pochin nitatonaco napotërinaco.
Maria Mactarina, aꞌna Maria, inapitaso nipirinhuëꞌ naꞌpi nanin notënanquë chachin huënsëapi.
Maria Mactarina, aꞌna Maria (Cosi aꞌshin nininsoꞌ), inapitari niꞌsapi. Insëquësona Quisoso acopisoꞌ niꞌpi.
Naꞌa quëmapiꞌsari imasapi. Sanapiꞌsarintaꞌ imasapi. Quisoso yatëpapiso marëꞌ chiníquën sëtatonaꞌ, naꞌnërapi.
Sanapiꞌsantaꞌ Cariria quëran imaquipisoꞌ paꞌsahuatonaꞌ, naꞌpi nanin quënanconpi. Poꞌmopisoꞌ niꞌpi.
Aꞌnaquën sanapiꞌsantaꞌ imasapi, canio quëran anoyatërinsopita. Aꞌnapitantaꞌ sopairoꞌsari yaꞌcoancantohuachinara huaꞌyantopirinahuëꞌ, nani anoyatërin. Aꞌnasoꞌ Maria Mactarina itopi. Canchisë sopairoꞌsari yaꞌcoancantopirinahuëꞌ, Quisosori inquitërin.