Lucas 23:4 - Chayahuita (Shahui)

⁴ Nonapipisoꞌ natanahuaton, yaꞌipi cotio ansianoꞌsaꞌ, corto huaꞌanoꞌsaꞌ inapita itapon: —Iso quëmapisoꞌ noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ, itopirinhuëꞌ,

Lucas 23:4 ပူးပေါင်းရင်းမြစ်များ

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Marcos 15:14

—¿Maꞌmarëtaꞌ tëpaꞌi? ¿Maꞌtaꞌ onporinsoꞌ? itopirinhuëꞌ, aquëtë chachin chiníquën itaantapi: —¡Corosëquë patanantëquëꞌ chimiin! itaantapi.

Lucas 23:22

—¿Maꞌmarëtaꞌ atëpachi? Nani natanpirahuëꞌ. Co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. Topinan ahuihuitahuato, ocoiꞌi, tënin. Nani cararoꞌ inachachin itaantarin.

Juan 18:38

—¿Ma noꞌtën nanancha napotëran nicaya? itërin Piratori. Ina tosahuaton, pipiantarahuaton, cotioroꞌsaꞌ itantarin: —Iso quëmapi noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ.

Hechos 25:25

Natanpirahuëꞌ, co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. “Noma copirno chachin yanontarahuë,” itërincoso marëꞌ inaquë yaaꞌpapirahuëꞌ, co nanitërahuëꞌ topinan aꞌpacaꞌhuasoꞌ.

Hechos 3:13

Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ.

Hebreos 7:26

Quisocristoíchin nanan anoyatërinpoaꞌ. Inasoꞌ corto huaꞌan chini chiníquën nanantërinso pochin nicaton, nóya ninin. Co piꞌpian tërantaꞌ oshahuaninhuëꞌ. Co nëꞌhuëtërinso pochin nininhuëꞌ. Co oshahuanoꞌsa pochin cancantërinhuëꞌ. Inápaquë panantahuachina, Yosëri chini chiníquën nanan quëtërin.

1 Pedro 1:19

Huiꞌninso nipirinhuëꞌ noya noya. Ina chiminpachina, huënainën paꞌnin. Iráca cotioroꞌsaꞌ co noyahuëꞌ nipachinara, carniroaꞌhua noyápiachin nininsoꞌ masahuatonaꞌ, tëpapi. Inapochachin Quisocristosoꞌ nóya. Co mantaꞌ oshahuanaponahuëꞌ, corosëquë chiminin. Oshanënpoaꞌ inquitatonpoaꞌ, ocoirinpoa huachi.

1 Pedro 2:22

Inasoꞌ nóya ninin. Co mantaꞌ onporinhuëꞌ. Co piꞌpian tërantaꞌ nonpininhuëꞌ.

1 Pedro 3:18

Quisocristontaꞌ nóya niponahuëꞌ, oshahuanëhuaso marëꞌ parisitërin. Oshanënpoaꞌ inquitinpoaso marëꞌ chiminin. Aꞌnaromarëáchin chiminin. Noya niponahuëꞌ, oshahuanoꞌsa marëꞌ chiminin. Canpoantaꞌ Yosë nohuitacaso marëꞌ chiminin. Piyapi niꞌton tëhuënchachin tëpapi. Chiminaponahuëꞌ, nanpiantarin niꞌton, noya noya yaꞌhuantarin.