Lucas 23:27 - Chayahuita (Shahui)

²⁷ Naꞌa quëmapiꞌsari imasapi. Sanapiꞌsarintaꞌ imasapi. Quisoso yatëpapiso marëꞌ chiníquën sëtatonaꞌ, naꞌnërapi.

Lucas 23:27 ပူးပေါင်းရင်းမြစ်များ

Salmos 22:17

Nansënëhuëpita pichichináchin pasháporin. Parisitasoco inimicoroꞌsaso niꞌsárinaco.

Mateo 11:17

quinatapirinahuëꞌ, co aꞌnapita nohuantopihuëꞌ nansacaisoꞌ. Ina quëran co nohuantohuachinarahuëꞌ, tantaponaꞌ: ‘Inta nipachin, huëcoꞌ chimipi paꞌpitopiso pochin niꞌtëhuaꞌ, yaꞌnipiahuaꞌ,’ nitantapi. Naꞌnëpirinahuëꞌ, co aꞌnapita nohuantopihuëꞌ naꞌnëcaisoꞌ. Inapochachin canpitantaꞌ ipora nisha nisha yonquiramaꞌ.

Mateo 27:55

Sanapiꞌsaꞌ Cariria quëran huëꞌpisopitantaꞌ, aquë quëran notëërapi. Inapitasoꞌ Quisoso imaquipi nocomacaiso marëꞌ. Iporasoꞌ chimininsoꞌ niꞌsapi antaꞌ.

Marcos 15:40

Sanapiꞌsantaꞌ aquë quëran notëërapi. Aꞌnaraꞌ Maria Mactarina, aꞌnasoꞌ Saroma, aꞌnantaꞌ Maria. Inasoꞌ Cosi, Santiaco, inapita aꞌshinaꞌ. Santiacosoꞌ huaꞌhua nimarinsoꞌ.

Lucas 23:28

Tahuërëtahuaton, Quisosori itapon: —Ama imoyaroꞌsaꞌ ca marëꞌ naꞌnëcosohuëꞌ. Aꞌna tahuëri Quirosarinquë yaꞌhuëramasopita naꞌcon parisitaramaꞌ. Huaꞌhuamapitantaꞌ parisitapi. Ina yonquiatomaꞌ tëhuënchinsoꞌ, sëtocoꞌ.

Lucas 23:55

Sanapiꞌsantaꞌ Cariria quëran imaquipisoꞌ paꞌsahuatonaꞌ, naꞌpi nanin quënanconpi. Poꞌmopisoꞌ niꞌpi.

Lucas 8:2

Aꞌnaquën sanapiꞌsantaꞌ imasapi, canio quëran anoyatërinsopita. Aꞌnapitantaꞌ sopairoꞌsari yaꞌcoancantohuachinara huaꞌyantopirinahuëꞌ, nani anoyatërin. Aꞌnasoꞌ Maria Mactarina itopi. Canchisë sopairoꞌsari yaꞌcoancantopirinahuëꞌ, Quisosori inquitërin.

Lucas 8:52

Naꞌa piyapiꞌsaꞌ naꞌnëtonaꞌ, ayanápi. —Ama naꞌnëcosohuëꞌ. Co sanapiaꞌhua chimininhuëꞌ. Huëꞌësárin, itërin Quisosori.

Juan 16:20

Noꞌtëquën itëranquëmaꞌ. Sëtatomaꞌ, naꞌnëaramaꞌ. Co natërinacosopitasohuëꞌ nipirinhuëꞌ: “Nani chiminin huachi,” taꞌtonaꞌ, capa cancantapi. Canpitaso nipirinhuëꞌ sëtapiramahuëꞌ, co huaꞌquiꞌ sëtaramahuëꞌ. Aꞌnaroáchin noya cancantantaramaꞌ.