Lucas 23:19 - Chayahuita (Shahui)

¹⁹ Parapasësoꞌ co noya quëmapihuëꞌ. Tëpatonaꞌpi inasoꞌ. Ninanoquë piyapiꞌsaꞌ shaꞌhuitërin niahuëcaisoꞌ niꞌton, tashinan pëiquë nani poꞌmopi.

Lucas 23:19 ပူးပေါင်းရင်းမြစ်များ

Marcos 15:7

Tashinan pëiquë copirno noꞌhuipisopita yaꞌhuëpi. Copirno piyapinënpita tëpapi niꞌton, tashinan pëiquë poꞌmopi. Aꞌnaraꞌ Parapasë itopisoꞌ.

Lucas 23:18

Piyapiꞌsariso nipirinhuëꞌ chiníquën nontopi. —¡Quisososoꞌ tëpaquëꞌ! ¡Parapasë ocoitocoi! itopi.

Lucas 23:2

Inaquë shaꞌhuirapipi. —Iso quëmapi piyapiꞌsaꞌ nonpintarin. “Noma copirno coriqui yamaꞌpahuachinquëmaꞌ, ama quëtocosohuëꞌ,” tosahuaton: “Casoꞌ Cristoco. Yosë aꞌpaimarinco huaꞌanëntaꞌhuaso marëꞌ,” toconin, itopi.

Lucas 23:20

Pirato co nohuantërinhuëꞌ Quisoso tëpacasoꞌ. Napoaton: “Ocoiꞌi,” tantarin.

Lucas 23:5

aquë aquëtëꞌ noꞌhuitatonaꞌ, itaantapi: —Aꞌchintohuachina, piyapiꞌsaꞌ nisha nisha yonquipi. Naporahuaton, copirno yanoꞌhuipi. Yaꞌipi parti aꞌchinárin. Cariria parti quëran huëcaton, yaꞌipi Cotia parti paꞌtërin. Isëquëntaꞌ aꞌchinarin, itopi.

Hechos 21:38

—Iquipito piyapinquën taꞌma topirahuëꞌ. Inasoꞌ iꞌhuamiáchin copirno noꞌhuiton, catapini huaranca tirocoroꞌsaꞌ, inotëro parti quëparin, itërin.

Hechos 3:14

Quisososoꞌ noyasáchin ninin. Co piꞌpisha tërantaꞌ oshahuanpirinhuëꞌ, co nohuantëramahuëꞌ. ‘¿Intaꞌ ocoichinquëmaꞌ?’ itohuachinquëmara, tëpatonaꞌpi huayonamaꞌ.