Lucas 23:13 - Chayahuita (Shahui)

¹³ Ina quëran Piratori piyapiꞌsaꞌ amatërin. Corto huaꞌanoꞌsaꞌ, cotio huaꞌanoꞌsaꞌ, inapitantaꞌ ayontonahuaton, itërin:

Lucas 23:13 ပူးပေါင်းရင်းမြစ်များ

Marcos 15:14

—¿Maꞌmarëtaꞌ tëpaꞌi? ¿Maꞌtaꞌ onporinsoꞌ? itopirinhuëꞌ, aquëtë chachin chiníquën itaantapi: —¡Corosëquë patanantëquëꞌ chimiin! itaantapi.

Lucas 23:35

Naꞌa piyapiꞌsaꞌ inaquë niꞌsapi. Cotio huaꞌanoꞌsarisoꞌ tëhuapi. —Aꞌnapita nichaꞌëponahuëꞌ, inaora chaꞌëcasosoꞌ co nanitërinhuëꞌ. Inasoꞌ Cristo, Yosëri chachin huayoninsoꞌ nipachin, inaora chaꞌëꞌin, nitopi tëhuatonaꞌ.

Lucas 24:20

Corto huaꞌanoꞌsaꞌ, ansianoꞌsaꞌ, inapitari mapi. Masahuatonaꞌ, Piratoquë quëpapi tëpacaiso marëꞌ. Shaꞌhuirapihuachinara, corosëquë apatanantërin. Nani chiminin.

Juan 12:42

Napoaponahuëꞌ, naꞌamiachin cotioroꞌsaꞌ huaꞌanoꞌsanënpitarë chachin natëpi. Napopirinahuëꞌ, parisioroꞌsaꞌ tëꞌhuatatonaꞌ, co aꞌninquëchin shaꞌhuipihuëꞌ. “Niyontonpiso pëiroꞌsa quëran ocoihuachinënpoaꞌ,” taꞌtonaꞌ, taꞌtápi.

Juan 18:38

—¿Ma noꞌtën nanancha napotëran nicaya? itërin Piratori. Ina tosahuaton, pipiantarahuaton, cotioroꞌsaꞌ itantarin: —Iso quëmapi noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ.

Juan 19:4

Ina quëran Pirato pipiantarahuaton, piyapiꞌsaꞌ nontantarin. —Iso quëmapi aꞌnotantaranquëmaꞌ, niꞌcoꞌ. Co mantaꞌ onporinhuëꞌ, tënahuë, itërin.

Juan 3:1

Tashiꞌ nisahuasoꞌ, aꞌna quëmapi huëꞌnin Quisoso nontacaso marëꞌ, Nicotimo itopisoꞌ. Cotio huaꞌan inasoꞌ. Parisio niponahuëꞌ, Quisoso nontiirin. —Maistro, Yosë aꞌpairinquën aꞌchintancoiso marëꞌ. Sacaiꞌ nininsopita nicaton, Yosë pochin ninan. Napoaton ina aꞌpairinquën, tënai. Co Yosë catahuarinquënhuëꞌ naporini, co quëma nanitapaitonhuëꞌ, itiirin.

Juan 7:26

Niꞌcochi. Aꞌninquëchin aꞌchinapirinhuëꞌ, co incari tërantaꞌ noꞌhuirinhuëꞌ. Huaꞌanoꞌsarintaꞌ natëtonaꞌ: “Inasoꞌ Cristo, Yosëri aꞌpaimarinsoꞌ,” ¿tomarai huachi ti? nitopi.

Juan 7:48

Niꞌcochi. Co inso huaꞌanoꞌsari tërantaꞌ ina natërinhuëꞌ. Parisioroꞌsacointaꞌ co natëraihuëꞌ.

Hechos 13:27

Quirosarinquë yaꞌhuëpisopitasoꞌ, co Quisoso nohuitopihuëꞌ: ‘Yosëri aꞌpaimarin,’ co topihuëꞌ. Co huaꞌanoꞌsa tërantaꞌ napopihuëꞌ. Pënëntonaꞌpiroꞌsaꞌ ninshitopisoꞌ nani chinoto tahuëri natanpirinahuëꞌ, co yonquipihuëꞌ. ‘Quisoso tëpaquëꞌ,’ itopi. Iráca ninorinso chachin yatëpapi.

Hechos 3:17

Quisoso Yosë quëran oꞌmapirinhuëꞌ, co nitotëramahuëꞌ. Napoaton, iyaroꞌsaꞌ, atëpatëramaꞌ. Huaꞌanoꞌsanëmantaꞌ co nitotopihuëꞌ.

Hechos 4:5

Tahuëririnquë yaꞌipi cotio huaꞌanoꞌsaꞌ niyontonpi. Corto huaꞌanoꞌsaꞌ, ansianoꞌsaꞌ, maistroꞌsaꞌ, inapita huëꞌpi. Quirosarinquë chachin niyontonpi.

Hechos 4:8

Ispirito Santori noyá yaꞌcoancantërin niꞌton, Pitrori itapon: —Natanco huaꞌanoꞌsanquëmaꞌ ninamasoꞌ.