Lucas 22:57 - Chayahuita (Shahui)

⁵⁷ —¡Co imoya casoꞌ ina nohuitërahuëꞌ! itërin Pitrori.

Lucas 22:57 ပူးပေါင်းရင်းမြစ်များ

Mateo 10:33

Nipirinhuëꞌ, ‘aꞌporahuë huachi,’ topatamasoꞌ, carinquëmantaꞌ aꞌpoaranquëmaꞌ. ‘Co imarinacohuëꞌ,’ itarahuë Tata Yosë,” tënin Quisoso.

Mateo 26:70

—¿Ma quëmapitaꞌ napotaransoꞌ? Co casoꞌ ina nohuitërahuëꞌ, itërin. Yaꞌipiya natanpi.

Lucas 12:9

Nipirinhuëꞌ, Yosë quëran quëmapico nipirahuëꞌ aꞌpohuatamaco, carinquëmantaꞌ aꞌpoaranquëmaꞌ. ‘Co nohuitërinacohuëꞌ,’ itarahuë. Anquëniroꞌsantaꞌ natanapi.

Lucas 22:56

Napëntaquëyaꞌ, aꞌna cosonari quënanin. Noya niꞌsahuaton: —Iso quëmapintaꞌ Quisoso imarin, tënin.

Lucas 22:58

Co huaꞌquiya quëranhuëꞌ aꞌna quëmapiri niantarin. —Quëmantaꞌ Quisoso imaran topirahuëꞌ, itërin. —Coꞌchi iyasha imarahuëꞌ paya, itaantarin.

Juan 18:25

Simon Pitroso nipirinhuëꞌ huaniton, napëntarin. —¿Quëmarintaꞌ iso quëmapi imamaranquën ti? itërin ponisiari. —Coꞌchi imarahuë paya, itantarin.

Juan 18:27

—Coꞌchi cahuë paya, itaantarin Pitrori. Naporoꞌ atari përarin, natanin.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

1 Juan 1:9

Onporosona co noyahuëꞌ nipatëhuaꞌ, Yosë nontahuaꞌ. “Tëhuënchachin co noyahuëꞌ nicato, oshahuanco,” topatëhuaꞌ, Yosë oshanënpoaꞌ inquitarinpoaꞌ. Co nonpintërinpoahuëꞌ. Quisocristo chiminin niꞌton, nanitërin yaꞌipi oshanënpoaꞌ inquitinpoasoꞌ. Noyápiachin cancan quëtarinpoaꞌ.