Lucas 22:43 - Chayahuita (Shahui)

⁴³ Nani nontohuachina, anquëni inápa quëran oꞌmarahuaton, achinirin.

Lucas 22:43 ပူးပေါင်းရင်းမြစ်များ

Mateo 26:53

Tatahuë nontërahuë naporini, shonca cato huaranca anquëniroꞌsaꞌ aꞌpatimaitoncohuëꞌ. Aꞌnaroáchin catahuaitonacohuëꞌ. ¿Co ina nitotëranhuëꞌ ti?

Mateo 4:11

Napotohuachina, sopairi patërin. Patohuachina, anquëniroꞌsari huëcapaimarahuatonaꞌ, nocomaimapi.

Mateo 4:6

—Quëmasoꞌ Yosë huiꞌninquën nipatan, noꞌpaquë niiquëꞌ. Quiricanën quëran nani shaꞌhuitërinquën. “Yosë anquëninënpita aꞌpatimarinquën aꞌpaiinquënso marëꞌ niꞌton, co maꞌsha onpoaranhuëꞌ. Imirina quëran masarinënquën ama naꞌpiquë tërantaꞌ yaꞌquiamaso marëhuëꞌ,” tënin niꞌton, noꞌpaquë niiquëꞌ aꞌpaiꞌinënquën, itërin sopairi.

Lucas 22:32

Caso nipirinhuëꞌ iyasha, nani Yosë nontërahuë ama aꞌpoancoso marëhuëꞌ. Napoaton co naniantomiatarancohuëꞌ. Noya imaantahuatanco, iyanpita achinicancanquëꞌ, itërin.

Hechos 14:22

Cara ninanoquë chachin Quisoso imapisopita pënënaꞌpiapi. “Ama iyaroꞌsaꞌ Quisoso aꞌpocosohuëꞌ. Imamiatocoꞌ. Aꞌnapita aparisitarinënpoaꞌ. Parisitacasoꞌ yaꞌhuërin. Parisitatëhuaꞌ, Yosë huaꞌanëntërinquë yaꞌconarëhuaꞌ. Napoaton noya ahuantocoꞌ,” itopi. Pënënpachinara, achinicancanpi.

Hechos 18:23

Huaꞌquimiáchin inaquë yaꞌhuërin. Ina quëran naquëranchin yonquirin paaton nasha imapisopita nicacaso marëꞌ. Carasia parti paꞌsahuaton, pënënaꞌpiarin. Naporahuaton, Piriquia partintaꞌ paꞌsahuaton, pënënaꞌpiarin. Aꞌnaya aꞌnaya ninanoroꞌsaquë Quisoso imapisopita achinicancanaꞌpiarin. Achinicancanpachina, noya noya imasapi.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Hebreos 1:6

Huiꞌnin chachin nipirinhuëꞌ isoroꞌpaquë aꞌpaimahuachina, chini chiníquën nanan quëtaton, tapon: “Yaꞌipi anquëniroꞌsarintaꞌ ina chinochinaꞌ,” tënin.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.