Lucas 22:37 - Chayahuita (Shahui)

³⁷ Iráca Yosë quiricanën quëran ninorinaco. “Apiroꞌsarëꞌ acorapi,” tënin. Napopiso chachin apiroꞌsa pochin cancantatonaco, masarinaco. Yaꞌipi ninorinacosoꞌ nanicaso yaꞌhuërin, tënin.

Lucas 22:37 ပူးပေါင်းရင်းမြစ်များ

Isaías 53:12

Napoaton Siniorori, chiníquën nanantopisopitarëꞌ acoapon. Chiníquën nanantopisopitantaꞌ, inari catahuapon canatacaisoꞌ. Canatohuachinara, inanta canatarin. Inaora nohuanton chimininso marëꞌ napoapon. Naporahuaton, “co noyahuëꞌ nininso marëꞌ parisitërin,” itopiso marëꞌ napoapon. Napotopirinahuëꞌ, naꞌa piyapiꞌsa oshanëna marëꞌ inaso parisitërin. Naporahuaton, oshahuanoꞌsa catahuacaso marëꞌ Yosë nontërin.

Marcos 15:27

Quisoso pirayan catoꞌ apiroꞌsantaꞌ patanantopi. Aꞌnaraꞌ inchinan quëran, aꞌnantaꞌ ahuënan quëran acopi. [

Marcos 15:28

Iráca Yosë quiricanënquë ninorin. “Apiroꞌsapitarëꞌ acorapi,” tënin. Naporinso chachin inapitarëꞌ acopi.]

Lucas 18:31

Ina quëran caꞌtanoꞌsanënpita amashamiachin quëparahuaton, itantarin: “Iporasoꞌ, Quirosarinquë paantarëhuaꞌ. Inatohuaꞌ yaꞌhuasëhuaꞌ, Yosë quëran quëmapico nipirahuëꞌ, nani maꞌsha onpotarinaco. Pënëntonaꞌpiroꞌsaꞌ iráca ninshitopiso chachin napotarinaco.

Lucas 22:22

Yosë quëran quëmapico niporahuëꞌ, ina nohuanton, chiminarahuë. Napoaponahuëꞌ, shaꞌhuirapirincosoꞌ, chiníquën parisitapon. Yosëri anaꞌintarin, tënin Quisoso.

Lucas 22:36

—Iporaso nipirinhuëꞌ sacaiꞌ nipon. Napoaton ama topinan pacosohuëꞌ. Coriqui, pëꞌpëto, inapita yaꞌhuëtohuachinquëmaꞌ, quëpacoꞌ. Co sahuëni yaꞌhuëtohuachinquëmahuëꞌ, aꞌmoramasoꞌ paꞌanatomaꞌ, sahuëni paꞌancoꞌ.

Lucas 22:52

Naporahuaton, corto huaꞌanoꞌsaꞌ, capitanoꞌsaꞌ, ansianoꞌsaꞌ, inapita itapon: —Sahuëni, shonqui, inapita sëꞌquëërahuatomaꞌ, huëcapairamaco. Tëpatonaꞌpi pochin cancantatomaco, ¿yamanamaco ti?

Lucas 23:32

Catoꞌ apiroꞌsantaꞌ quëpapi inapitantaꞌ tëpacaiso marëꞌ.

Lucas 24:27

Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Juan 10:35

Yosëri chachin huaꞌanoꞌsaꞌ acorinsoꞌ yonquiaton, napotërin. Yaꞌipi Yosë quiricanënsoꞌ noꞌtëquën. Co piꞌpisha tërantaꞌ nonpininhuëꞌ.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

2 Corintios 5:21

Iráca Quisocristo co mantaꞌ oshahuanaponahuëꞌ, Yosë nohuanton, yaꞌhuërëtërinpoaꞌ. Oshahuan pochin nicaton, Yosëri chiníquën anaꞌintërin. Canpoa marëꞌ chiminin niꞌton, co huachi oshahuan pochin niꞌninpoahuëꞌ. Quisocristo imapatëhuaꞌ, Yosë nóya niꞌsarinpoaꞌ.

Gálatas 3:13

Co nanitërëhuahuëꞌ noꞌtëquën natëcasoꞌ niꞌton, anaꞌintinpoasoꞌ yaꞌhuërin. Quisocristoso nipirinhuëꞌ nichaꞌërinpoaꞌ. Canpoaꞌ yaꞌhuërënamënpoaꞌ chiminin. Ina, Yosëri anaꞌintërin. Quiricanën quëran naporin: “Piyapi paꞌpi co noyahuëꞌ nipachina, naraquë achinpirahuatëꞌ, chiníquën anaꞌintërëꞌ. Nani Yosëri aꞌporin,” tënin quiricanënquë. Canpoasoꞌ anaꞌintinpoasoꞌ yaꞌhuëpirinhuëꞌ, naraquë chachin Quisocristo apatanantohuachinara, oshanënpoa marëꞌ parisitërin. Inaquë parisitaton, nichaꞌërinpoaꞌ.