Lucas 22:35 - Chayahuita (Shahui)

³⁵ Ina quëran yaꞌipi caꞌtanoꞌsanënpita itapon: —Iráca aꞌchinacamaso marëꞌ aꞌparanquëmaꞌ. Paꞌpatamara, coriqui, pëꞌpëto, sapatëꞌ, co inapita tërantaꞌ quëparamahuëꞌ. Topinan paꞌpatamara, ¿co mantaꞌ pahuantërinquëmahuëꞌ ti? itërin. —Co mantaꞌ pahuantërincoihuëꞌ. Noya paꞌnai, itopi.

Lucas 22:35 ပူးပေါင်းရင်းမြစ်များ

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Salmos 23:1

Quëmasoꞌ Sinioro nóya aꞌpairanco. Ohuicaroꞌsa huaꞌanëni aꞌpairinso pochin nitëranco. Co manta pahuantërincohuëꞌ.

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Lucas 10:4

Paꞌpatamaꞌ, ama mantaꞌ quëpacosohuëꞌ. Pëꞌpëto, coriqui, sapatë co inapita tërantaꞌ quëpacasoꞌ yaꞌhuërinhuëꞌ. Piyapiꞌsaꞌ nacapihuatamaꞌ, ama huaꞌquiꞌ nontocosohuëꞌ. Manóton pacoꞌ.

Lucas 22:34

—Noꞌtëquën iyasha itaranquën. Ipora tashi chachin, coꞌhuara atari përashatërasohuëꞌ, cararoꞌ nonpinapiaranco. “Co casoꞌ Quisoso nohuitërahuëꞌ,” toconapon, itërin Quisosori.

Lucas 22:36

—Iporaso nipirinhuëꞌ sacaiꞌ nipon. Napoaton ama topinan pacosohuëꞌ. Coriqui, pëꞌpëto, inapita yaꞌhuëtohuachinquëmaꞌ, quëpacoꞌ. Co sahuëni yaꞌhuëtohuachinquëmahuëꞌ, aꞌmoramasoꞌ paꞌanatomaꞌ, sahuëni paꞌancoꞌ.

Lucas 9:3

—Paꞌpatamaꞌ, ama mantaꞌ quëpacosohuëꞌ. Pitana, pëꞌpëto, pan, coriqui, inapita ama quëpacosohuëꞌ. Ama aꞌmoramaso tërantaꞌ catoꞌ quëpacosohuëꞌ.

2 Corintios 8:15

Iráca Yosë quiricanënquë naporin: “Mana mapachinara, aꞌnaquënsoꞌ naꞌa maponaraihuëꞌ, co yaꞌsotopihuëꞌ. Aꞌnaquënso nipirinhuëꞌ piꞌpian maponaraihuëꞌ, co pahuantopihuëꞌ,” tënin.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.